Ish-presidenti ukrainas, Petro Poroshenko tha se pas tankeve, Ukrainës do t’i duhen edhe aeroplanë luftarakë për t’u mbrojtur kundër agresionit rus.

Ai këtë deklaratë e bëri pasi Gjermania vendosi në fillim të ditës së sotme të dorëzojë tanke Leopard 2 në Ukrainë dhe pasi Shtetet e Bashkuara vendosën të dërgojnë tanke Abrams në Ukrainë.

Për disa muaj, aleatët perëndimor ishin në dilemë nëse do t’i dorëzonin tanke ukrainasve sepse mendonin se kjo do të kontribuonte në përshkallëzimin e luftës.

“Ata që do të ndryshojë situatën në fushën e betejës tani janë aeroplanët luftarakë. Ne duhet të fillojmë një program trajnimi për pilotët ukrainas sa më shpejt të jetë e mundur dhe të përgatitemi për dërgimin e aeroplanëve në Ukrainë”, tha ai.

Sipas tij, helikopterë sulmues dhe raketa me rreze të gjatë janë të nevojshme për të shkatërruar bazat logjistike ruse dhe qendrat komanduese.

“Në fillim, fuqitë perëndimore thanë se do ta ndihmonin Ukrainën të ‘mbijetojë’. Jo më, tani duhet të fitojmë. Por për të fituar, ne duhet të forcojmë forcat e armatosura ukrainase”, tha Poroshenko në një deklaratë për euronews.

Kujtojmë se mediat holandeze së fundmi njoftuan se qeveria e këtij vendi do të shqyrtojë dorëzimin e aeroplanëve F-16.

Leave a Reply

Your email address will not be published. Required fields are marked *

You May Also Like

Ndahet nga jeta Princi Philip, bashkëshorti i Mbretëreshës Elizabeth

Duka i Edinburgut është ndarë nga jeta këtë të enjte në moshën…

Mbaron afati për arritjen e marrëveshjes rreth klimës: Vendet e pasura nuk janë të gatshme të sakrifikojnë

Negociatorët në Konferencën e Kombeve të Bashkuara për Ndryshimet Klimatike (COP26) në…

Pendarovski: Festa e Fitër Bajramit le të sjellë paqe në zemrat tuaja

Presidenti i Republikës së Maqedonisë së Veriut, Stevo Pendarovski, me rastin e…

Të burgosurit kerkojnë të lirohen përkohësisht!

Të burgosurit në burgjet e Maqedonisë janë në panik nga mundësia e…

Cakaj telefonon Roth: Presidenca Gjermane e KE, vëmendje maksimale për Ballkanin Perëndimor

Ministri në detyrë për Evropën dhe Punët e Jashtme, Gent Cakaj, zhvilloi…