Nuk ka konsensus në koalicionin qeverisë rreth rekomandimeve të miratuara të Komisionit të përzier historik për librat dhe kremtimin e përbashkët të figurave historike me Bullgarinë. Nga partia e Pavle Trajanovit, ngjashëm sikurse opozita, akuzuan se po hapet një proces i bullgarizimit të Maqedonisë. Sipas Lidhjes Demokratike, duhet të shihen rreziqet nga pranimi i rekomandimeve të historianëve.

“Vendimet e këtilla nuk çojnë drejt normalizimit dhe zhvillimit të bashkëpunimit mes dy popujve dhe shteteve, që është interesi jonë i përbashkët. Përkundrazi, ato do ta thellojnë mosbesimin në tërë këtë proces dhe do të hapen shumë pika tjera të ndjeshme në planin e brendshëm. Ndryshe, vetëm bartës të posteve politike dhe shtetërore, pa vetëdije kombëtare dhe integritet si dhe me synime lukrative, mund të mos mbajnë llogari për interesat kombëtare dhe shtetërore të Maqedonisë”, thonë nga Lidhja Demokratike.

Por, LSDM dhe VMRO Popullore e Lubço Georgievskit përshëndetën vendimin e historianëve.

“Rekomandimet e miratuara për tekstet shkollore në arsimin fillor janë të bazuara në reciprocitet dhe do t’i dorëzohen qeverisë së Maqedonisë dhe Bullgarisë. Rekomandimet janë miratuar nga një komision ekspertësh dhe i pavarur, pa asnjë ndikim politik dhe nuk prekin fare çështjet identitare”, deklaroi Daniela Nikolova – Deputete e LSDM-së.

“Në marrëveshjen e përbashkët prezantohen shumë fakte të njohura për mbarë botën dhe bizantologjinë ballkanike dhe studimet mesjetare dhe ata që pyesin me zë të lartë duhet të pyesin veten, jo për faktet, por për faktin se dikush i ka manipuluar dhe i ka mësuar me të dhëna të rreme. Pyetja është nëse dikush dëshiron të përballet me faktet apo të jetojë në gënjeshtra”, theksojnë nga VMRO – Partia Popullore.

Partitë opozitare nga blloku maqedonas akuzuan më parë qeverinë për tradhti kombëtare. Sipas VMRO-DPMNE-së, qeveria hoqi dorë nga gjithçka maqedonase, duke pranuar se Car Samili ka qenë perandor bullgar. Nga ana tjetër, nga E majta akuzuan se Komisioni i Përzier Historik është – siç thonë ata, dorë e zgjatur i regjimit në pushtet. Ndryshe, në mesin e marrëveshjes është se mbretëria e Car Samoilit, sipas shumicës së shkencës historike bashkëkohore, ka qenë bullgare dhe ndodhej në territorin e Maqedonisë. Shkupi duhet të ndryshojë disa harta nga periudha antike në tekstet shkollore, ndërsa institucionet bullgare të korrigjojnë disa mësime ku shkruan për trojet bullgare./Alsat.mk

Leave a Reply

Your email address will not be published.

You May Also Like

Kryeministrja Magdalena Andersson pranon humbjen në zgjedhjet parlamentare suedeze

Kryeministrja socialdemokrate e Suedisë, Magdalena Andersson pranoi humbjen të mërkurën pas zgjedhjeve…

Humb jetën nga zjarri një qytetar në Kosovë

Mbeten ende katër vatra aktive Një person ka vdekur në Novosellë të…

Çeliku: Shqiptarët kalben në burgje, kriminelët maqedonas në liri e në Hungari!

Gjyla Çeliku / Katica në arrest shtëpiak, lirohet nga burgu!!! Është koha…

Grushta në Klinikën e Tetovës – Sulmohet fizikisht drejtori ekonomik, Artan Etemi i Lëvizjes Besa

Para pak çastesh në Spitalin Klinik të Tetovës ka ndodhur një incident…

Vërtetohen lidhjet e Kishës Ortodokse të Rusisë dhe Serbisë me shërbimet sekrete të vendeve të tyre

Lidhjet e Kishës Ortodokse të Rusisë dhe Serbisë me politikën e këtyre…