Presidentja e vendit, Vjosa Osmani ka deklaruar se Kosova merr pjesë në dialogun me Serbinë, me qëllimin e vetëm njohjen reciproke.

Osmani ka theksuar se Kosova nuk është shtet i cili destabilizon vendet tjera në rajon, përkundrazi, është Serbia ajo që duhet të bëhet fqinj i mirë.

“Është koha që Serbia të vendos se çfarë dëshiron. Kosova gjithmonë ka treguar se është palë konstruktive në dialog. Ne gjithmonë kemi zgajtur dorën e bashkëpunimit në këtë proces. Kosova është fqinjë i mirë, është koha që Serbia të sillet si fqinjë i mirë jo vetëm për ne si shtet, por edhe për Kroacinë, Malin e Zi, Bosnjën…”, u shpreh Osmani gjatë një bashkëbisedimi virtual të organizuar nga Atlantic Council, shkruan Telegrafi.

Ajo shtoi se Kosova në procesin e dialogut që pritet të nis në këtë muaj shkon e përgatitur mirë.

“Ne do të takohemi së shpejti, këtë muaj pra në qershor. Kosova shkon në këtë proces e përgatitur mirë dhe me qëllime të qarta për të kontribuar në marrëveshje përfundimtare cilësore. Kosova është e përgatitur që të shkojë në bisedime për të arritur një marrëveshje reciproke që ka në qendër të saj njohjen reciproke mes Kosovës dhe Serbisë”, tha Osmani.

Presidentja theksoi se e gjitha varet sesi do të sillet Serbia në këtë proces dhe se çfarë mendon për anëtarësimin e saj në BE derisa bashkëpunon ushtarakisht edhe ekonomikisht me Rusinë. 

Leave a Reply

Your email address will not be published.

You May Also Like

Zjarri që shpërtheu në një shtëpi për të sëmurë mendorë në Çeki, ia ka marrë jetën disa personave

Së paku tetë persona kanë mbetur të vdekur dhe shumë të tjerë…

SHBA mbërthehet nga moti i keq/ Stuhitë e dëborës shkaktojnë ‘ciklonin bombë’

Pjesë të Bregut Lindor të SHBA-së janë goditur nga një stuhi tmerrësisht…

Mesazhi i Erdoganit drejtuar popullit për koronavirusin

Presidenti Rexhep Tajip Erdoan (Recep Tayyip Erdoğan) publikoi një mesazh zanor në…

Tërmet në Greqi

Një tërmet i fortë me magnitudë 5 ballë tronditi Greqinë pranë ishullit…

Biden takohet me liderët e Finlandës e Suedisë, pas aplikimit të tyre në NATO

Presidenti i Shteteve të Bashkuara të Amerikës, Joe Biden, do të takohet…