Në Reçak sot po shënohet 24 vjetori i masakrës së kryer nga forcat paramilitare serbe nën direktivat e kriminelit Sllobodan Millosheviq.

Në akademinë përkujtimore, presidentja Vjosa Osmani tha se më 15 janar 1999 u krye një prej krimeve më monstruoze të makinerisë vrastare të Sllobodan Millosheviqit, por ishte edhe moment kthese në histori.

“Mizoria e regjimit të Millosheviqit ndaj civilëve shqiptarë mori trajtën më çnjerëzore, por shënoi një moment në të cilin vetëdija ndërkombëtare u zgjua përfundimisht. Kjo masakër bëri që qendrat vendimmarrëse demokratike të mobilizoheshin që ta mbronin një popull që po vuante nën kthetrat e një regjimi gjenocidal , por edhe për të dëshmuar se qytetërimi perëndimor nuk mund të dorëzohej para hegjemonive prandaj Kosova duhej të ndihmohej dhe të mbrohej”, tha Osmani.

Presidentja shtoi se krimet e kryera në Reçak i dëshmuan botës për tragjedinë që po e përjetonin shqiptarët.

“Të masakruarit mbase do të vriteshin për së dyti nga propaganda e makinerisë e gënjeshtrës informative, që atë kohë e udhëhiqte presidenti aktual i Serbisë, Aleksandar Vuçiq, sikur ish-shefi verifikues i OSBE-së, William Walker, të mos kishte lëshuar një kushtrim gjithandej. Ambasadori Walker u shndërrua në zërin e viktimave dhe zërin e gjithë Kosovës në kohët më të rënda të historisë sonë”, ka thënë Osmani.

Ajo ka thënë se ka tendenca të mëdha nga Serbia për të falsifikuar historinë.

Leave a Reply

Your email address will not be published. Required fields are marked *

You May Also Like

Parti politike PO, subjekte kulturore JO!

Midis nesh Strategjia nacionale është një dokument qeveritar, në të cilin tërhiqen…

Letër nga Prishtina / PËRTEJ MULTI-KULTIT

Nuk pati Evopë të sigurt derisa populli gjerman nuk u denazifikua plotësisht!…

Kritere maqedonase për botime shqiptare!?

Midis nesh Reagimet më të theksuara të shqiptarëve, sapo të publikohet Programi…

Zhvillimi kulturor jashtë-institucional!

Midis nesh Pas demokratizimit të shoqërive në hapësirat ballkanike, të cilat kaluan…