Organizata Botërore e Shëndetësisë (OBSH) ka bërë thirrje për ndihmë prej 147.5 milionë dollarë amerikanë për të ofruar shërbime shëndetësore për civilët në Ukrainë, ku lufta me Rusinë po vazhdon, dhe për refugjatët ukrainas që u strehuan në vendet fqinje

Duke folur në konferencën për shtyp në Zyrën e Kombeve të Bashkuara (OKB) në Gjenevë, Përfaqësuesi i OBSH-së në Ukrainë, doktor Jarno Habicht vlerësoi gjendjen më të fundit të shërbimeve shëndetësore në Ukrainë.

Habicht deklaroi se që nga 2 qershori, sulmet e trupave ruse në qendrat shëndetësore në Ukrainë u rritën në 269 dhe 76 njerëz vdiqën e 59 persona të tjerë u plagosën në këto sulme.

Duke thënë se disa ndërtesa shëndetësore u shkatërruan si pasojë e sulmeve, Habicht tha se shumë spitale dhe klinika në zonat e konfliktit nuk mund të ofrojnë shërbime shëndetësore për ata që kanë nevojë.

Ai nënvizoi se lufta shkaktoi dëme të rënda psikologjike për popullin ukrainas dhe u shpreh se OBSH ka rritur numrin e personelit në vend dhe ka ofruar 543 tonë pajisje mjekësore në rajonet e prekura nga konfliktet për të shëruar plagët e ukrainasve.

Duke theksuar nevojën për të rivendosur shërbimet shëndetësore të dëmtuara nga lufta në Ukrainë, Habicht njoftoi se OBSH ka rritur thirrjen e saj aktuale të donacioneve dhe ka nisur një fushatë dhurimi prej 147.5 milionë dollarësh për ukrainasit.

Habicht vuri në dukje se 80 milionë dollarë nga kjo shifër do të përdoren për ndihmë mjekësore për civilët brenda vendit dhe 67.5 milionë dollarë për ndihmë mjekësore për refugjatët ukrainas që u strehuan në vendet fqinje.

Leave a Reply

Your email address will not be published.

You May Also Like

Qytetari nga Peja që ishte në kërkim nga Policia, arrestohet në Zvicër dhe ekstradohet në Kosovë

Policia e Kosovës-Drejtoria Rajonale  e Policisë në Pejë, me datë 30.10.2020, kishte…

“Rastet e montuara”, raportet ndërkombëtare bazë për propozimin

Ligji për rivlerësimin e fakteve dhe provave të përdorura në procedurë gjyqësore…

Në Ukrainë gjendet një qytet që quhet Yarun sikurse lagjia Jarun Zagreb, a është programuar gabimisht fluturakja pa pilot?

Në Jarun të Zagrebit mbrëmë diku pas orës 23:00, është rrëzuar një…

Kosova nuk figuron në listën e Ministrisë së Shëndetësisë të Maqedonisë sa i përket testeve për Kovid-19

Ministria e Shëndetësisë e Maqedonisë së Veriut ka publikuar një tabelë lidhur…

Pas marrëveshjes për targa, takohen Stoltenberg e Lajçak: Zgjidhjet politike afatgjata, interes i përbashkët

Sekretari i Përgjithshëm i NATO-s, Jens Stoltenberg është takuar me të Dërguarin…