Një nxënës 17-vjeç është arrestuar për vrasjen e profesoreshës në qytetin Ibbenburen në veriperëndim të Gjermanisë, kanë bërë të ditur autoritetet e sigurisë.

Incidenti ka ndodhur në shkollën profesionale, ku punonte profesoresha 55-vjeçare.

Zëdhënësi i prokurorisë në Munster, ka konfirmuar se i mituri ka thirrur policinë pas krimit të kryer dhe është dorëzuar pa rezistencë.

Dje pasdite profesoresha ishte vetëm në klasën e shkollës profesionale kur i dyshuari e vizitoi.

Djali dyshohet se ka sulmuar dhe vrarë profesoreshën me thikë. Ende nuk dihet motivi i krimit, pse profesoresha ka qenë vetëm dhe si ka ditur i dyshuari për këtë, shkruan DW.

Në vendin e krimit është shfaqur një numër i madh i policë dhe ekipe të shpëtimit që kishin edhe helikopter.

Zëdhënësi i policisë ka bërë të ditur se i dyshuari pritet sot të shfaqet në bankën e të akuzuarve. Nxënësi i dyshuar tashmë po gjykohet në pjesën perëndimore të Gjermanisë, për planifikim të shtënave masive në shkollën e tij në Essen.

Në aktakuzë thuhet se objektivat e tij supozohej të ishin mësuesit dhe nxënësit e tjerë.

Prokuroria federale bëri të ditur se 17-vjeçari kishte planifikuar të përdorte mjete shpërthyese në sulmin në atë rast, me qëllim që të kuptohej si një sulm terrorist i motivuar nga ekstremizmi i djathtë.

Leave a Reply

Your email address will not be published. Required fields are marked *

You May Also Like

Thaçi i shkruan Trumpit, paralajmëron marrëveshje me Serbinë

Presidenti i Kosovës, Hashim Thaçi, përmes një tweet’i në llogarinë e tij,…

“Monstra”, Janakievski zbulon pse u vra peshkatari

Gjatë seancës së sotme të rastit “Monstra”, ka filluar dëgjimi i “Bombave”.…

Biden paralajmëron Putinin të mos përdorë armë bërthamore

Presidenti amerikan Joe Biden ka paralajmëruar Rusinë që të mos përdorë armë…

Hill: Në vitin 2023 do të ketë më shumë investime amerikane në Serbi

Ambasadori i Shteteve të Bashkuara të Amerikës në Serbi Christopher Hill, ka…

Kosova bëhet për herë të parë me Muze të Dëshmorëve

Kryetari i Komunës së Prizrenit, Mytaher Haskuka ka thënë se 22 vite…