Numri i të diplomuarve në Maqedoni në vitet e fundit është ulur për 40%, që është një fakt shqetësues për të gjithë sistemin arsimor. Prandaj nevojiten reforma serioze dhe arsim cilësor për të parandaluar migrimin masiv, i cili është i pranishëm në të gjithë rajonin.

“Në dhjetë vitet e fundit kemi 40% më pak të diplomuar. Pavarësisht pandemisë dhe gjithë këtij procesi rajonal me të cilin po përballemi, është një sfidë e madhe për arsimin, sepse nëse nuk e zgjidhim atë sfidë, nuk do të flasim për perspektivë. Evropa humbet çdo vit 900,000 njerëz të lindur. Në dhjetë vitet e ardhshme e Evropës pa zhvillim do t’i duhen të paktën 10 milionë punëtorë. Kjo është ajo ku ne të gjithë duhet të pyesim veten se cilat janë perspektivat tona”, deklaroi Ratko Duev – Dekan i Fakultetit Filozofik.

“Unë besoj se duhet bërë reforma reale dhe duhet të ndjekim të gjitha standardet dhe vlerat në fushën evropiane të arsimit të lartë. Besoj se të gjitha reformat duhet të kalojnë përmes profesionistëve në vendin tonë dhe vetëm kështu mund të arrihet kulmi në edukimin e fëmijëve në arsimin parashkollor dhe fillor, të mesëm dhe të lartë”, tha Nikolla Jankullovski – Rektor i Universitetit Shën Kirili dhe Metodi.

Problem serioz në arsim ka shkaktuar pandemia me Covid 19, veçanërisht në aspektin psikologjik dhe social të fëmijëve.

“Së pari për sa i përket vendosjes së programeve. Sa u shkurtuan ato, sa ishin të përshtatshëm. Për më tepër, sa kompetenca kishin mësuesit tanë për një punë të tillë. A janë përdorur metoda dhe teknika të përshtatshme gjatë pandemisë për të vlerësuar dhe monitoruar zhvillimin e arritjeve të studentëve?”, tha Elizabeta Tomeska Ilievska – Drejtoreshë e Institutit Pedagogjik.

Këto dhe probleme të tjera në procesin arsimor debatohen në Ohër në konferencën ndërkombëtare me rastin e 75 vjetorit nga themelimi i Institutit Pedagogjik./Alsat.mk

Leave a Reply

Your email address will not be published.

You May Also Like

Shkon në 910 numri i viktimave nga koronavirusi, shënohet rekord ditor

Numri i personave të vdekur nga koronavirusi ka shkuar në 910, ndërsa…

Koreja e Veriut kryen testin më të madh raketor që nga nëntori i vitit 2017

Koreja e Veriut ka kryer lansimin e raketës më të madhe që…

Arrestohet shtetasi i RMV-së, në Kosovë

Ministria e Punëve të Brendshme njoftonë se me 6 prill ështëarrestuar një…

Gashi hyri në Qeveri me disa premtime! Tani thotë se AAA s’ka fuqi të sjellë ekspertë të huaj për rastet e montuara

Qeveria do t’i dërgojë kërkesë zyrtare Komisionit Evropian në të cilën do…

Kurti për sulmet në Zveçan dhe Zubin Potok: Të nxitura nga Serbia në sy të ndërkombëtarëve

Kryeministri i vendit, Albin Kurti, vlerëson se sulmet në Qendrat e Regjistrimit…