Autoritetet në Kubë konfirmuan se një person është vrarë në protestat anti-qeveritare në këtë vend. Mediat shtetërore thanë se Diubis Laurencio Tejeda, 36 vjeç, vdiq në lagjen La Guinera të kryeqytetit Havana.

Sipas zyrtarëve, ai ishte pjesë e një grupi që sulmoi një strukturë të Qeverisë. Por, dëshmitarët thanë se forcat e sigurisë i sulmuan anëtarët e grupit.

Waldo Herrera i tha agjencisë së lajmeve Reuters se oficerët “i nxorën armët dhe filluan të qëllonin” në drejtim të protestuesve.
“Unë mendoj se komunistët e kanë humbur kontrollin. Ata nuk do të kenë zgjidhje për këtë situatë”, tha Herrera.

Deri më tani nuk ka asnjë shpjegim zyrtar se si vdiq Diubis Laurencio Tejeda. Ministria e Brendshme e Kubës tha përmes një deklarate se i vjen keq për vdekjen e tij.

Protestat e rralla anti-qeveritare në Kubën komuniste nisën të dielën.

Mijëra njerëz dolën në rrugë për të kundërshtuar rënien ekonomike, mungesat e ushqimit dhe ilaçeve, rritjen e çmimeve dhe trajtimin e pandemisë së koronavirusit nga ana e Qeverisë.

Tubimet e tilla të paautorizuara publike janë të paligjshme në Kubë dhe presidenti i vendit, Miguel Diaz-Canel, i quajti demonstruesit “anti-revolucionarë”.

Qeveria e tij pretendon se protestat janë financuar dhe nxitur nga Shtetet e Bashkuara, ndërsa për problemet e Kubës fajëson sanksionet ekonomike të SHBA-së.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…