Edhe pas votimit të sotëm të përsëritur në një vendvotim, qytetarët e Dibrës nuk e zgjodhën kryetarin e ri.

Siç konfirmuan nga shtabet zgjedhore të BDI-së dhe të Aleancës për Shqiptarët – Alternativës, në Dibër do të ketë raund të dytë të votimit më 14 nëntor, pasi pas votimit të përsëritur asnjëri prej kandidatëve nuk e ka siguruar përqindjen e nevojshme të numrit të përgjithshëm të qytetarëve të dalë në votim.

Sipas tyre në votimin e sotëm në vendvotimin 0543 nga gjithsej 777 votues aq sa janë të regjistruar në listën e vetme zgjedhore për kandidatin e BDI-së i mbështetur nga LSDM dhe Koalicioni dhe kryetar aktual, Hekuran Duka, kanë votuar 226 ndërsa për Bekim Pocestën e Aleancës për Shqiptarët – Alternativa 293 persona.

Nga numri i përgjithshëm i të regjistruarve me të drejtë vote, këtë të drejtë e kanë realizuar 528 persona ose rreth 68 për qind.

Në këtë vendvotim në raundin e parë kanë votuar 484 ose 62,29 për qind. Për Dukën kanë votuar 195 ndërsa për Pocestën 271 persona, të pavlefshme ishin 16 fletëvotime.

Në këtë vendvotim është rivotuar pasi Gjykata Kushtetuese e pranoi padinë e koalicionit Aleanca për Shqiptarët – Alternativa, ndërsa KSHZ në bazë të kësaj solli vendim për përsëritjen e votimit.

Kjo duke e pasur parasysh atë se numri i përgjithshëm i votuesve të regjistruar në këtë vendvotim ndikon mbi rezultatet e përgjithshme të kësaj komune.

Leave a Reply

Your email address will not be published.

You May Also Like

Remzi Mehmedi: Maqedonia e Veriut nuk e përfill diasporën Shqiptare

Nënkryetari i Aleancës për Shqiptarët Remzi Mehmedi ka deklaruar se Maqedonia e…

Kryebashkiaku i Buchës: Nuk do ta falim Rusinë për mizoritë që ndodhën këtu

Pas vrasjeve të civilëve nga forcat ruse dhe shfaqejeve të tyre nëpër…

Katër të plagosur nga tërmeti në luftë për jetën, gjithsej 750 të plagosur

Ministria e Shëndetësisë në Shqipëri ka publikuar bilancin duke raportuar se kanë…

Kuvendi sërish pa kuorum, nuk miratohen një sërë ligjesh

Kuvendi i Maqedonisë së Veriut ka shterur debatin për një sërë ligjesh,…

KFOR nis stërvitjet ushtarake në Aeroportin e Gjakovës (VIDEO)

Forcat e KFOR-it të udhëhequra nga NATO janë duke zhvilluar stërvitje operacionale…