Në qendër të Beogradit janë vendosur posterë me fotografinë e presidentit ukrainas, Volodymyr Zelensky, dhe me mbishkrimin “terrorist i NATO-s”.

Këto posterë janë nënshkruar nga organizata e krahut të djathtë “Lëvizja Konservatore Nashi”.

Më 22 janar ato u vendosën në oborrin e televizionit N1 në Beograd, por edhe në hyrje të zyrës së gazetës Danas.

Në fund të vitit të kaluar, stafi i gazetës Danas mori kërcënime me vdekje, duke thënë se atyre do t’iu ndodhte njësojë sikurse gazetarëve të revistës satirike franceze Charlie Hebdo, që u vranë gjatë sulmit terrorist të vitit 2015.

Ukraina nuk është pjesë e NATO-s, ndonëse ka shprehur aspirata që t’i bashkohet kësaj aleance ushtarake, shkruan rel.

Kievi zyrtar për pothuajse një vit është duke u përballur me pushtimin e paprovokuar rus.

Serbia, aleate e Rusisë, ka refuzuar që t’i bashkohet shteteve perëndimore dhe Bashkimit Evropian, për t’i vendosur sanksione Moskës, për shkak të luftës ndaj Ukrainës. Megjithatë, Beogradi ka votuar disa rezoluta të Kombeve të Bashkuara që dënojnë agresionin rus.

Zyrtarë të lartë rusë kanë argumentuar se Moska në Ukrainë tani po lufton me aleancën e NATO-s.

Shtetet e NATO-s, së bashku edhe me shtete të tjera, që kur ka nisur pushtimi, e kanë ndihmuar me armatime Kievin, me qëllim që forcat ukrainase të dëbojnë nga territori i Ukrainës forcat e Moskës.

Reklama

Leave a Reply

Your email address will not be published. Required fields are marked *

You May Also Like

Zelensky kërkon nga aleatët të ‘përshpejtojnë’ me furnizimet ndërsa Rusia pretendon se ka avancuar në Bakhmut

Presidenti ukrainas Volodymyr Zelensky u ka bërë thirrje mbështetësve të tij perëndimorë…

Katër shtetas të huaj gjenden të fshehur në një kamion në Han të Elezit

Në pikën kufitare në Han të Elezit, policia dje e kishte ndaluar…

Nga sot ndalohet tubimi i më shumë se pesë personave, masat mund të shtrëngohen

Temperatura prej 24 gradësh e gjallëroi Shkupin. Shpatet e Vodnos, tërheqëse për…

Kurti nis takimet në Bruksel, kërkon liberalizimin e vizave

Kryeministri i Kosovës, Albin Kurti, ka nisur vizitat në Bruksel. Ai është…

Albin Kurti as sot s’i shkon në zyrë Presidentit

Albin Kurti po vazhdon t’i shmanget përgjegjësisë për të marrë mandatin për…