Diplomatë perëndimorë në Shkup i kanë dërguar mesazh të qartë udhëheqësisë së LSDM-së se një koalicion eventual me BDI-në, do të bllokojë datën e negociatave për anëtarësim në Bashkimin Evropian.
“BDI është shumë e korruptuar dhe e paaftë ta çojnë para agjendën evropiane”, kanë thënë ndërkombëtarë, sipas mediumeve maqedonase.
Ata kanë vlerësuar se nëse BDI mbetet pjesë e qeverisë, do të jetë e pamundur të zhvillohet luftë kundër krimit të organizuar dhe korrupsionit. Përveç kësaj, reformimi i gjyqësorit, si një nga pikat kryesore të qeverisë së ardhshme, do të jetë e pamundur për shkak se gjykatësit dhe prokurorët më të korruptuar janë të emëruar nga BDI, e cila do të bëjë gjithçka që t’I mbrojë.
Pikërisht për shkak të këtyre paralajmërimeve lideri I LSDM-së, Zoran Zaev, javën e kaluar deklaroi se qeverinë e re do ta bëjnë vetëm me parti proevropiane, transmeton dokaz.
Për shkak të zhvillimit të këtillë të rrethanave, në BDI po mbretëron panik e vërtetë dhe kanë filluar të koketojnë me VMRO-DPMNE-në. pasi e vërejtën që gjasat e Mickovskit për të formuar qeveri janë minimale, po tentojnë ta homogjenizojnë bllokun shqiptar përmes të ashtuquajturës “platformë Shqiptare” të cilën opozita shqiptare e refuzoi, transmeton Gazeta Lajm.
Mundësia e vetme për mbijetesë të Ahmetit është futja e përçarjes mes LSDM-së dhe Besës së Bilall Kasamit, me të cilin u takua dje Ahmeti.
Me këtë takim, Ahmeti i dërgon mesazh LSDM-së se mund ta humbë rastin për të formuar qeveri nëse nuk përfshihet edhe BDI.
Të njëjtat burime thonë se gjasat që Besa të bashkohet me BDI-në për të bë qeveri me VMRO-DPMNE-në, janë minimale.

Leave a Reply

Your email address will not be published. Required fields are marked *

You May Also Like

Muhamedi: Bombat, me rëndësi për rastin “Monstra”, “Lagja e Trimave” dhe “Harun Aliu”

Analisiti Nijazi Muhamedi në një deklaratë për Alsat, tha se bisedat e…

Grupi i Kumanovës ngre në këmbë MPB-në e Maqedonisë së Veriut

Pjesëtarët e “Grupit të Kumanovës” të cilët janë të dënuar për ngjarjet…

Ekskluzive: Paraqiten rezultatet e hetimeve ndërkombëtare për rastin te Liqeni i Smilkovës

Momente të reja janë paraqitur në hetimet e pavarura ku janë kyçur…

Nëna e El Chekës: Më therrën me thikë dhe grisën foton e Almirit (VIDEO)

Para fillimit te protestave kunder BDI-se ne Shkup, ka ndodhur disa incidente…

Afrim Gashi: Do të angazhohemi për rroga më të larta në arsim dhe pushim pranveror për nxënësit

Kryetari i AlternAtivA-s, Afrim Gashi, fushatën parazgjedhore për zgjedhjet e 15 korrikut…