Ministria e Mbrojtjes e Mbretërisë së Bashkuar ka publikuar përditësimin e saj të inteligjencës mbi luftën në Ukrainë.
Në raport thuhet se ushtria ruse tani është “dukshëm më e dobët” si rezultat i sulmeve ndaj Ukrainës.
Aty thuhet se rimëkëmbja e ushtrisë ruse do të bëhet më e vështirë nga sanksionet e vendosura ndaj Moskës dhe në afat të gjatë kjo do të pengojë aftësinë e vendit për të vendosur një forcë ushtarake konvencionale, raporton BBC.
Gjithashtu, në raport u theksua se buxheti i mbrojtjes i Rusisë afërsisht u dyfishua midis 2005 dhe 2018, me investime në disa kapacitete ajrore, tokësore dhe detare të nivelit të lartë.
“Modernizimi i pajisjeve fizike të Rusisë nuk i ka mundësuar asaj të dominojë luftën në Ukrainë, për shkak të dështimeve në planifikimin strategjik”, shtoi Ministria britanike e Mbrojtjes.
