Ministri rus i Mbrojtjes, Sergei Shoigu, ka inspektuar trupat dhe pajisjet ushtarake në distriktin ushtarak jugor të Rusisë gjatë së premtes, ka njoftuar ushtria ruse.
Ky inspektim i tij ka ardhur pas një përplasjeje publike me kreun e grupit ushtarak privat, Wagner.
Përmes një deklarate thuhet se Shoigu ka udhëzuar “të mbahen nën kontroll të posaçëm çështjet e furnizimit të vazhdueshëm dhe ritmik të grupeve të trupave në zonat e operacionit special ushtarak me të gjitha armët dhe pajisjet e nevojshme ushtarake”.
“Zëvendësministri i Mbrojtjes, Gjeneral Koloneli A. Kuzmenkov, i cili është përgjegjës për mbështetjen materiale dhe teknike të Forcave të Armatosura Ruse, i prezantoi gjeneralit të ushtrisë Sergei Shoigu grupe të reja tankesh moderne, mjete të blinduara luftarake, pajisje speciale dhe mjete motorike të furnizuara nga ndërmarrjet e kompleksit ushtarak-industrial për të furnizim të grupeve dhe forcave ruse”, ka njoftuar kjo ministri.
Vizita e Shoigut pasoi pas disa deklarave zemëruese të shefit të Wagner-it, Yevgeny Prigozhin, i cili ka akuzuar drejtpërdrejt Shoigun dhe udhëheqjen ushtarake ruse për përgjegjësinë për dhjetëra mijëra viktima të grupit për shkak të mungesës së furnizimit me municion.
