Në krye të Kuvendit të Shqipërisë do të jetë një grua. Bëhet fjalë për ish-Ministren e Arsimit Lindita Nikolla. Në fjalën e tij, Kryeministri Edi Rama e vlerësoi Nikollën si një grua me një kontribut të veçantë dhe një shembull të përkushtimit e ndershmërisë në kryerjen e çdo detyre.

https://www.youtube.com/embed/ArxwzP6mjjA

“Lindita Nikolla që besoj se ka jo vetëm gjithë mbështetjen e kësaj Asambleje, por edhe të gjithë anëtarëve dhe simpatizantëve të PS për të marrë stafetën e Gramozit, në Krye të Kuvendit të Shqipërisë si një grua me një kontribut dhe përvojë të gjatë në familjen tonë politike. Si një shembull i padyshimtë i përkushtimit dhe ndershmërisë në kryerjen e çdo detyre, si një shoqe e mirë e të gjithëve ne dhe si një politikane karriere, që është karakterizuar nga dëshira për dialog të edukuar me të tjerët, do të jetë dhe anëtare e kryesisë së PS”, tha Rama.

Kush është Lindita Nikolla

Lindita Nikolla lindi në Tiranë, më 22 Tetor 1965. Ajo është e martuar me Ligor Nikollën dhe ka një vajzë që quhet Livia. Nikolla, në korrik 2010 ka kryer studimet Master në Administrim Publik, drejtimi Pushtet Ekzekutiv, pranë Albanian University dhe në vitin 1989 ka përfunduar studimet universitare pranë Fakultetit të Shkencave të Natyrës, dega Matematikë, Universiteti i Tiranës. Ajo ka hyrë në politikë në vitin 2003. Gjatë viteve 2003–2006 është zgjedhur si Këshilltare e Këshillit të Njësisë Bashkiake Nr.1, Tiranë. Është zgjedhur për dy mandate në periudhën 2007-2011 dhe 2011-2013, Kryetare e Njësisë Bashkiake Nr.1 Tiranë. Në zgjedhjet e 23 Qershorit 2013, zgjidhet deputete e qarkut të Tiranës.

Nga shtatori i vitit 2007, Nikolla është anëtare e Kryesisë së Partisë Socialiste. Në vitin 2006 ka përfunduar Akademinë për Udhëheqësi dhe Reformë pranë Institutit për Demokraci dhe Ndërmjetësim (NDI) në Tiranë dhe në qershor të vitit 2008 ka kryer Akademinë mbi Policimin Komunitar dhe Qeverisjen Vendore në Universitetin e Pitsburgut, SHBA. Nikolla ka kryer gjithashtu një sërë kualifikimesh në menaxhimin e shkollës dhe mësimdhënien e matematikës, si dhe për fuqizimin e gruas në vendimmarrje. Nikolla zotëron gjuhën angleze dhe njeh gjuhën frënge e atë italiane.

Në vitin 2013, Lindita Nikolla u emërua nga Kryeministri Edi Rama si Ministre e Arsimit dhe Sportit./tvklan.al

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…