Shkrimtarit shqiptar nga Maqedonia e Veriut, Shkëlzen Halimi, mbrëmë paska përjetuar urrejtjen më shovenist që mund ta shprehë një nëpunës shtetëror maqedonas, i cili këtë urrejtje e ka institucionale, nacionale e familjare. Doganieri maqedonas e ka detyruar z. Halimin që librin e vet poetik, të botuar në Shqipëri, ose ta hedhë në kontenjerë ose ta kthejë në Shqipëri! 25 ekzemplare të një titulli të botuar nga shkrimtari shqiptar, qe jeton e vepron në Maqedoninë e Veriut, konsiderohen “material propagandistik” nga pushteti që vlon me funksionarë shqiptarë!
Për më tepër lexoni se çka ka përjetuar shkrimtari Shkëlzen Halimi:

LIBRI SHQIP AKOMA RREZIKON SIGURINË E MAQEDONISË!?

Maqedonasit, kur bëhet fjalë për shqiptarët, ende nuk mund të lirohen nga recidivet e së kaluarës, përkatësisht nga sajesat e shumta sllavo komuniste që, edhe sot e kësaj dite nuk pushojnë së portretizuari “gogolin” shqiptarë. Libri shqip, fatkeqësisht vazhdon ta rrezikojë sigurinë e këtij shteti që pretendon t’i bashkëngjitet familjes demokratike evropiane.
Jo më lë larg se të mërkurën, pak para mesit të natës, tek sa kthehesha nga Tirana, ku shkova për t’i marrë disa ekzemplarë të librit tim poetik, “Muzeu i pritjes”, të cilën e botoi Shtëpia botuese “Naimi”, një doganier maqedonas, në kufirin e “Bllacës”, thjeshtë u ekzaltua se kapi “një kontrabandist” të librave. Në fakt, unë kisha vetëm 25 ekzemplarë të librit tim. Kjo mjaftoi që ky farë doganieri i ekzaltuar të më thotë: “librat o mund t’i hedhesh në kontejner, o t’i kthesh në Shqipëri”. Ndërkaq unë u detyrova sërish ta kaloj kufirin maqedonas, sërish kufirin në Kosovë, t’i lë librat te një mik i panjohur, pastaj sërish të kaloj kufirin e Kosovës në drejtim të atij maqedonas. Thjesht, ishte një maltretim dhe një përbuzje e skajshme për shkak të një doganieri që nuk të lejon që personalisht t’i gëzohesh asaj që është e jotja, e shpirtit tënd. Vitrina ime e librit, fatkeqësisht mbeti pa librin tim, tash për tash…
Faktori shqiptar, krahas përpjekjeve për ta bërë zyrtare gjuhën shqipe, së pari duhet ta legalizojë librin shqip, nga i cili mësohet gjuha shqipe. Kur pala maqedonase librin artistik edhe më tej e konsideron të rrezikshëm për sigurinë e shtetit, atëherë është i qartë mohim i vazhdueshëm institucional i shqipes. Absurdet e politikave maqedonase nuk kanë të ndalur, ndonëse shqiptarët mashtrojnë veten se nuk ia mbajnë ison…

Leave a Reply

Your email address will not be published.

You May Also Like

Vesel Memedi shpërblehet nga BDI, së shpejti amabasdor në Romë!

Nga një burim i besueshëm brenda BDI-së , mësohet se Vesel Memedi-…

Tetova shpall Rifat Jasharin “Qytetar Nderi”

Komuna e Tetovës, ka shpallur dy ditë më parë “Qytetar Nderi” Rifat…

Messi është pranë largimit sensacional nga Barca, por cilat janë pengesat dhe si mund të ndodhë transferimi eventual

Vendimi i Lionel Messit për t’u larguar këtë verë nga Barcelona e…

Kurti nga Greqia: Ballkani Perëndimor ka nevojë për Procesin e Berlinit

Kryeministri Albin Kurti, e ka përmendur sërish qëndrimin neutral të Serbisë për…

Revoltohet administrata gjyqësore: Në listën për vaksinim janë vetëm gjykatësit

Shoqata e Administratës Gjyqësore ka reaguar ndaj listës për prioritet vaksinimi, të…