Kryeministri i Kosovës, në një bisedë me publicistin e Washington Post, Jason Rezaian, ka folur për situatën në Ballkanin Perëndimor, dialogun, një moment zemërimi të presidentit serb, Aleksandar Vuçiq, dhe situatën me minoritetet në Kosovë e Serbi.

Në këtë bisedë, kryeministri i vendit ka thënë se është duke bërë përpjekje për depërshkallëzimin e situatës me Serbinë, por sipas tij, ato përpjekje s’kanë pasur rezultat.

Ai tha se në qendër të tensionit është mosgatishmëria e vazhdueshme e Serbisë për ta njohur Kosovës si shtet sovran dhe të pavarur.

“Nuk mund ta njoh Serbinë që nuk më njeh mua. Pra duhet njohje reciproke dhe ne jemi të gatshëm të angazhohemi në këtë dialog”, është shprehur Kurti në bashkëbisedimin me Rezaian.

Kreu i qeverisë kosovare ka ndarë një moment, që sipas tij, presidenti serb është zemëruar nga fjalët e tij.

“Në deklaratë e paqes dhe mossulmimit e propozuar nga Kosova në vitin 2021 u refuzua nga presidenti serb, Aleksandar Vuçiq, bashkë me një plan për të mbrojtur reciprokisht të drejtat e pakicave brenda vendeve tona. Në vend të kësaj, autoritetet serbe filluan t’i heqin shqiptarët në Serbinë jugore nga listat e votuesve”.

“Presidenti Vuçiq tha se, ndryshe nga Kosova, Serbia është shembull se si duhet të trajtohen minoritetet”, më tha Kurti. Ai shtoi, disi në mënyrë sarkastike: “Unë thashë, ‘Atëherë le të shohim se si i trajton Serbia minoritetet dhe unë mund ta përsëris modelin në Kosovë.” Dhe pastaj ai u zemërua shumë sepse thashë, ‘Ta bëjmë këtë gjë reciprokisht’”, i ka thënë Kurti gjatë bisedës publicistit Rezaian.

Leave a Reply

Your email address will not be published.

You May Also Like

Ish kryeprokurori Adriatik Llalla shpallet në kërkim kombëtar/ Burime: U largua nga Shqipëria më 9 shtator

Gazetarja e Top Channel, Anila Hoxha ka bërë me dije se ish…

Sulmuesi i zhveshur qëllon ndaj policëve nga shtëpia e rrethuar në Irlandë

Dy oficerë policie u qëlluan dje nga një sulmues i zhveshur që…

Kjo është agjenda e sotme e samitit BE-Ballkani Perëndimor

Samiti BE-Ballkan Perëndimor do të bëjë bashkë udhëheqësit nga vendet anëtare të…

Dhomat e Specializuara: Krerët e UÇK-së nuk ndahen, do të gjykohen së bashku në Hagë

Dhomat e Specializuara tregojnë që 4 të akuzuarit në Hagë do të…

Organizohet ceremonia e dytë e dërgimit të ushtarëve të Kosovës me Gardën Kombëtare të Iowa-s në mision paqeruajtës

Në Qytetin Johnston në SHBA u organizua ceremonia e radhës me rastin…