Kryeministri i vendit, Albin Kurti, ka takuar Raportuesin Special të Kombeve të Bashkuara për promovimin e së vërtetës, drejtësisë, reparacioneve dhe granatimit të mos-përsëritjes, Fabian Savioli.

Temë e këtij takimi ishte angazhimi i qeverisë për adresimin e krimeve të kryera gjatë luftës në Kosovës dhe nismat për drejtësi tranzicionale.

“Z.Savioli shprehu mirënjohjen për bashkëpunimin e treguar nga Qeveria dhe institucionet e Republikës së Kosovës, dhe shprehu solidaritetin me viktimat dhe popullin e Kosovës”.

“Kryeministri Kurti theksoi përkushtimin e Qeverisë së Republikës së Kosovës për ballafaqim me të kaluarën dhe për drejtësi. Ai tha se na duhet të ketë rehabilitim dhe rivendosje të drejtësisë për viktimat e të mbijetuarat/it, pasi është shumë e vështirë për familjet të vazhdojnë të jetojnë normalisht përkundër humbjeve dhe vuajtjeve të tyre”, thuhet në njoftimin e kryeministrisë.

Më tej, Kurti foli edhe për ndryshimet e bëra në Kodin e Procedurës Penale të cilat mundësojnë gjykimin në mungesë për raste të krimeve të luftës, duke qenë se sipas tij, shumica e kryerësve të krimeve të luftës në Kosovë ndodhen në Serbi dhe Serbia refuzon t’i dorëzoj ata para drejtësisë.

“Kryeministri Kurti theksoi çështjen e të zhdukurve me dhunë gjatë luftës dhe familjet që jetojnë në dhembje e ankth, duke mos ditur për fatin e vendndodhjen e të dashurve të tyre. Ai ritheksoi domosdoshmërinë e hapjes së arkivave shtetërore në Serbi, pasi krimet e kryera në Kosovë, ishin krime të kryera nga shteti i Serbisë”, thuhet në njoftimin e kryeministrisë.

Leave a Reply

Your email address will not be published. Required fields are marked *

You May Also Like

Gjermania ndalon hyrjen e pasagjerëve britanikë në BE?

Gjermania do të përpiqet të ndalojë hyrjen e pasagjerëve britanikë në Bashkimin…

Altrim Mamuti: Ndal migrimit të organizuar të shqiptarëve (VIDEO)

Kliko linkun

Avionët luftarakë izraelitë sulmojnë Gazën, derisa BE-ja bën thirrje për përgjegjësi

Tensionet janë rritur pasi javën e kaluar u vranë 10 palestinezë nga…

Franca gjobit Google dhe Facebook me gjoba të ashpra

Rregullatorët francezë kanë goditur kompanitë, Google dhe Facebook me 201 milionë euro…

Zjarri në spitalin modular të Tetovës, Besimi: Ka fakte të pakontestueshme për pafajësinë time

Ish-drejtori i spitalit të Tetovës, Florin Besimi si i akuzuar në rastin…