Kryeministri i Kosovës, Albin Kurti priti në takim njoftues shefen e Zyrës ndërlidhëse greke në Kosovë, Heleni Vakali.

Teksa i dëshiroi mirëseardhje Vakali, kryeministri Kurti theksoi marrëdhëniet shumë të mira mes dy vendeve dhe mundësitë e thellimit të tyre nëpërmjet rritjes së shkëmbimeve tregtare dhe rritjes së bashkëpunimit ekonomik dhe investimeve, thuhet në një komunikatë për media.

Tutje Kurti kërkoi që Greqia t’u bashkohet shumicës së vendeve të Bashkimit Evropian dhe ta njohë pavarësinë e Kosovës.

Ambasadorja Vakali tha se është e nderuar për detyrën që ka marrë dhe se Greqia është mike e sinqertë dhe e fuqishme e Kosovës. Edhe pse ende nuk e njeh pavarësinë e Kosovës, Greqia ka arritur të zhvillojë marrëdhënie bilaterale pa kurrfarë problem, theksoi Vakali.

Ajo u shpreh e impresionuar me potencialin e madh që ka Kosova dhe mundësitë që ekzistojnë për bashkëpunimin bilateral. Ambasadorja e vlerësoi angazhimin e qeverisë për vlera demokratike dhe për rezultatet në luftimin e korrupsionit.

Kryeministri Kurti dhe ambasadorja Vakali u pajtuan që duhet të vazhdojnë projektet e përbashkëta në arsim e kulturë dhe në organizimin e radhës të forumit ekonomik.

Ndryshe Kurti këtë kërkesë ndaj Greqisë për njohjen e Pavarësisë së Kosovës,  e ka bërë edhe gjatë pjesëmarrjes në Forumin Ekonomik të Delfit.

Leave a Reply

Your email address will not be published.

You May Also Like

Hovenier: Pa një normalizim të marrëdhënieve Kosovë-Serbi, pa njohje të ndërsjellë, rajoni do të mbetet i bllokuar

Jeffrey M. Hovenier, i emëruari për postin e ambasadorit të ardhshëm amerikan…

Zaharieva: Nuk është sekret që Serbia ka ndikim të fuqishëm në Maqedoni

Bullgaria e ka përkrahur Maqedoninë e Veriut në momentet më të vështira…

Fryn erë konflikti; çfarë kërkon vërtet Putini nga Biden!

Shenjat janë të qarta: samiti i Gjenevës mes Joe Biden e Vladimir…

Zyrtarët ukrainas: Forcat ruse janë në Kiev. Dalin video të tankeve në rrugë

Zyrtarët ukrainas konfirmuan nëpërmjet një postimi në Twitter, se operativët rusë kanë…

Shqetësohen banorët, xhandarmeria serbe futet në territorin e Kosovës

Banorët e fshatit Karaçevë të Kamenicës janë shprehur tejet të brengosur, për…