Ministri i Punëve të Jashtme, Nikos Dendias, nesër, më 12 mars 2023, do të udhëtojë për në Prishtinë.
Dendias do të ketë një vizitë zyrtare, ku fillimisht do të zhvillojë një takim kokë më kokë me presidenten kosovare, Vjosa Osmani Sadriu, sipas njoftimit të Ministrisë së Jashtme greke.
Më pas ai do të pritet edhe nga kryeministri kosovar, Albin Kurti, në një drekë të shtruar për nder të tij nga ky i fundit.
Në fund, ministri i Punëve të Jashtme greke do të ketë një takim edhe me homologen e tij kosovare, Donika Gërvalla-Schwarz.
“Diskutimet gjatë vizitës pritet të fokusohen në zhvillimet në dialogun Beograd-Prishtinë dhe perspektivën evropiane të Ballkanit Perëndimor”, thuhet në njoftim.
