Sekretari i Nismës Socialdemokrate, Bilall Sherifi, ka komentuar qëndrimin e kryeministrit të Shqipërisë, Edi Rama, karshi Kosovës dhe iniciativës “Open Ballkan”.

Sherifi tha se debatet janë të shëndetshme, por që Edi Rama në postimin e tij të fundit ka përdorur ironi.

“Debatet janë të shëndetshme, kur ato nuk bëhen në pozicione për interesa të ndryshme. Kam shumë vërejtje sa i përket iniciativës Open Ballkan. Serbia po vazhdon të luftojë Kosovën, me mjete diplomatike e natyra të ndryshme. Kurse, në postimin e Edi Ramës ka mllef, revoltë, më shumë sesa arrogancë. Është reaksion pas sulmeve të vazhdueshme ndaj Edi Ramës, aq sa kemi pas ne të drejtë të mos bëhemi pjesë e iniciativës, ashtu shtetet tjera kanë të drejtë të marrin vendime për vete”, deklaroi ai në Debat Plus të RTV Dukagjini.

Kurse, kryetari i Komunës së Rahovecit, Smajl Latifi, pohoi se deklaratat e Edi Ramës nuk ia zbehin asnjëherë dëshirën për bashkim kombëtar.

“Debati midis dy kryeministrave, Albin Kurti dhe Edi Rama kanë mundësi të koordinohen dhe të shkojnë në frymën e kërkesave të popullit shqiptar. Ka mundësi të rritet vullneti i dy qeverive për bashkëpunim. Kam rezerva sa i përket Ballkanit të hapur, pasi Kosova ka ende sfida. Asnjë kryeministër shqiptar nuk mund të vendosin për Kosovën. Kërkesat e Tiranës duhet të jenë në funksion të institucioneve të Kosovës. Mund të ketë koordinim më të mirë mes Kosovës dhe Shqipërisë”, pohoi ai.

Ndryshe, Rama sot ka thënë se Ballkani i hapur është rruga e së ardhmes për kombin shqiptar, duke shtuar se është mundësi e re që Serbia ta njoh Kosovën.

“Së dyti, Ballkani i Hapur është jo vetëm rruga e të ardhmes për prosperitetin e kombit shqiptar, si komb europian që përkatësinë e vet e ka në Europën e Bashkuar, por është edhe një mundësi e re dhe e madhe më shumë, në rrugën drejt njohjes së Kosovës nga Serbia; sa për një nga shumë shembuj të dobisë së madhe të Ballkanit të Hapur, kush nuk do që ta kuptojë pse Ballkani i Hapur e heq më në fund kufirin mes Shqipërisë e Kosovës, le të më thotë pse nuk e kanë hequr dot deri më sot, ata që e kanë premtuar me bujë dhe pse nuk e heq dot pa Ballkanin e Hapur atë kufi, asnjë prej atyre të cilëve “nuk u han luli” për aleatët e pazëvendësueshëm strategjikë të Kosovës e të Shqipërisë bashkë, që e mbështesin plotësisht nismën Open Balkan”, kishte thënë Rama. /Telegrafi/

https://www.facebook.com/plugins/video.php?height=314&href=https%3A%2F%2Fwww.facebook.com%2Ftelegraficom%2Fvideos%2F356040596083672%2F&show_text=false&width=560&t=

Telegafi.com

TELEGRAFI sh.p.k.Rr. Rexhep Mala, Aktash, Nr.34, Prishtinë, Kosovë info@telegrafi.com 038 224 093 – +383 48 222 355

Ky portal mirëmbahet nga kompania “Telegrafi”. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të “Telegrafit”. Për ta shfrytëzuar materialin e këtij portali obligoheni t’i pranoni Kushtet e përdorimit.
Partnerët

Shkarkoje aplikacionin e Telegrafit për Android dhe iPhone

App Store
Google Play

   

Të gjitha të drejtat janë të rezervuara© 2006-2021 Portali Telegrafi

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…