Presidenti i Federatës së Futbollit të Kosovës Agim Ademi ka kërkuar nga sulmuesit e Kombëtares së Kosovës që sonte të japin maksimumin në fushë për të gjetur golin në mënyrë që ato t’i dedikohen legjendës së futbollit të Kosovës Fadil Vokrri në përvjetorin e katërt të vdekjes së tij.

I pari i FFK-së ka publikuar një video me dy golat e Vokrrit pikërisht kundër kundërshtarit të sotëm të Kosovës, Irlandës së Veriut në ndeshjet kualifikuese për Kampionatin Evropian 1988, transmeton KosovaPress.

“Sot kur e përkujtojmë Fadil Vokrrin pashmangshëm na kujtohen dy golat që ai i realizoi në kualifikimet për Euro 1988 kundër Irlandës së Veriut, kundërshtarit të sotëm të Kombëtares së Kosovës në Ligën e Kombeve. Prandaj, shpresoj që sulmuesit tanë të gjejnë rrugën e golit në ndeshjen e sotme për ta realizuar fitoren e radhës si dedikim për legjendën”, ka shkruar Ademi.

Ai po ashtu ka kërkuar edhe përkrahje maksimale nga ana e tifozëve në tribuna.

“Po ashtu, ftoj edhe të gjithë tifozët që do të jenë të pranishëm në stadium që të krijojnë koreografi të posaçme për Vokrrin dhe njëherësh të përkrahin në maksimum djemtë e Kombëtares në këtë ndeshje të rëndësishme e të veçantë”, ka thënë ai.

Ja dy golat e Fadil Vokrrit ndaj Irlandës së Veriut:

https://m.facebook.com/AgimAdemiOfficial/videos/385340396888578/

Leave a Reply

Your email address will not be published.

You May Also Like

Unioni Evropian i Xhudos: 2021-ta ishte vit i Distria Krasniqit

Unioni Evropian i Xhudos i ka kushtuar një artikull xhudistes Distria Krasniqi,…

Majlinda Kelmendi i jep fund karrierës

Xhudistja kosovare Majlinda Kelmendi i ka dhënë fund karrierës në këtë sport.…

Fiton Roma e Manchesteri, zhgënjen Arsenali

Janë përmbyllur takimet e para të Europa League ku kanë fituar Roma,…

Nora Gjakova fiton medaljen e artë

Xhudistja nga Kosova, Nora Gjakova ka fituar medaljen e artë olimpike, pasi…

Distria Krasniqi arrin në finalen e madhe të Grand Prixit të Portugalisë

Xhudistja e Kosovës, Distria Krasniqi është kualifikuar në finalen e madhe të…