Ministri i Punëve të Brendshme, Xhelal Sveçla, ka ftuar në një takim koordinues me organizatat ndërkombëtare në Kosovës, për të diskutuar rreth gjendjes dhe nevojave aktuale lidhur me strehimin e përkohshëm të qytetarëve afgan në Kosovë.

Me këtë rast, Sveçla bëri të ditur se deri më tani në Kosovë kanë arritur 467 qytetarë, të cilët janë tashmë të strehuar, e ku me ndihmën e NATO-s, u janë ofruar kushtet e nevojshme për akomodim fillestar.

Ai ka thënë se në këtë proces është shumë i nevojshëm përkrahja edhe e organizatave ndërkombëtare që janë të vendosura në Kosovë dhe me këtë qëllim i ka ftuar për të parë mundësitë e tyre për të ndihmuar në këtë proces të rëndësishëm, si dhe për të vendosur kanalet e drejta të komunikimit dhe koordinimit.

“Qeveria e Kosovës i është përgjigjur pozitivisht kërkesës së Qeverisë së SHBA-së dhe NATO-s, për të strehuar përkohësisht qytetarët afgan. Ne jemi zotuar për të ofruar kushte dinjitoze të akomodimit, për të ju bërë sa më të lehtë qëndrimin e tyre në Kosovë. Megjithatë, nevoja për mbështetje të organizatave tuaja është po ashtu shumë e rëndësishme për ne”, theksoi Sveçla.

Ndërsa përfaqësuesit e organizatave ndërkombëtare në Kosovë, theksuan gatishmërinë e tyre që në bazë të nevojave të identifikuara dhe mundësive, të jenë në dispozicion të institucioneve të Kosovës dhe partnerëve ndërkombëtarë për të ndihmuar në këtë proces.

Në takim u diskuan edhe modalitet me të cilat do të operojnë institucionet e Kosovës, rreth strehimit të qytetarëve afgan, gjithnjë duke ju garantuar të gjitha të drejtat e tyre sipas ligjit, përfshi jetën e re sociale, të cilin do ta kenë gjatë qëndrimit në Kosovë.

Leave a Reply

Your email address will not be published.

You May Also Like

Në Bjeshkët e Rugovës, Gjilanit dhe Vitisë ka vatra të zjarrit ende të pushuara

Situata me zjarret në Kosovë është nën kontroll në gjithë vendin, megjithëse…

Sjellje e pahijshme e gardianit të burgut në momentin kur Boki 13 dërgohet në spital

Në momentin kur Boki 13 po nxirrej nga Prokuroria dhe po dërgohej…

Deputetët miratojnë formimin e Komisioneve Parlamentare

Në seancën e cila është duke u mbajtur në Kuvendin e Kosovës…

Stoltenberg: Pak e besueshme se s’pati koordinim me Rusinë për uljen e aeroplanit në Minsk

Gazetari bjellorus, Roman Protasevich, u ndalua të dielën në Misk, pas devijimit…

Gjermania përballet me mungesën e punëtorëve të kualifikuar

Sipërmarrjet gjermane së shpejti mund të kenë mungesë të miliona punëtorëve të…