Kosova ka vendosur sanksione të reja Federatës Ruse dhe Bjellorusisë në raport me situatën në Ukrainë.

Zëvendëskryeministri i Kosovës, Besnik Bislimi, gjatë mbledhjes së sotme të qeverisë e bëri të ditur këtë derisa theksoi që këto sanksione janë bërë në  përputhje me “paketën e sanksioneve të ndërmarra nga BE-ja dhe SHBA-të”.

“Republika e Kosovës është rreshtuar ndër vendet e para në vendosjen e sanksioneve ekonomike dhe financiare ndaj Federatës Ruse pas invazionit dhe agresionit ushtarak në Ukrainë, në përputhje me paketën e sanksioneve të ndërmarra nga BE dhe SHBA”, ka thënë Bislimi.

Bislimi tha se këto sanksione kanë të bëjnë me ngrirjen e aseteve në Kosovë të individëve apo entiteteve të sanksionuara, ndalim të qasjes dhe operimit në treg, ndalim të udhëtimit dhe fondeve.

Me sanksionet e reja, Kosova po ashtu ndalon çdo ndërmarrje të transportit rrugor rus apo bjellorus.
Kosova po ashtu ka ndaluar importin e qymyrit nga Rusia apo nga shtete që e blejnë nga Rusia.

Ndryshe Kosova edhe më herët ka vendosur sanksione ndaj Rusisë, në vijë me Shtetet e Bashkuara të Amerikës dhe Bashkimin Evropian.

Kryeministri Albin Kurti kishte theksuar se masat janë ekonomike, tregtare dhe financiare.

Leave a Reply

Your email address will not be published.

You May Also Like

Galevska: Në mënyrë të paligjshme janë lëshuar 600 karta të identitetit

Jadranka Galevska ish-shefe e Sektorit për Punë Administrative sot gjatë dëshmimit për…

Aksion për nxjerrjen e gomave të hedhura në lumin e Vardarit

Nisma Qytetare “Mos u bë mbeturinë” në bashkëpunim me palombarë të “Akuatek”…

Vepra në rasti “Likuidimi” është vjetruar

Vepra në rastin “Likuidimi” është vjetruar dhe për këtë arsye gazetari Tomislav…

“Monstra”, palët do të japin fjalët përfunduese

Në Gjykatën themelore penale në Shkup sot duhet të vazhdojë gjykimi për…

Britania e Madhe ndalon eksportet drejt Rusisë

Britania e Madhe nga njëra anë vendosi një ndalim të eksporteve në…