Departamenti i Policisë Kufitare të Policisë së Kosovës raporton për disa raste kontrabande që janë regjistruar rreth kufirit më Serbinë dhe Maqedoninë e Veriut. Sipas raportit policor, në Prevallë janë sekuestruar më shumë se 110 kavanoza me mjaltë e rreth 40 kilogramë djathë.

“Pas një pune hetimore, njësitë policore tek i dyshuari mashkull kosovar kanë gjetur dhe sekuestruar 83 kavanoza me mjaltë dhe 40 kg, djathë e kaçkavall që dyshohet se janë kontrabanduar nga Maqedonia Veriore në Republikën e Kosovës. Lidhur me rastin janë marrë mostrat për ekzaminim nga ana e inspektorëve të AUV-it, ndërsa malli i sekuestruar i është dorëzuar Doganës së Kosovës për procedura të mëtutjeshme” thuhet në raport.

Po ashtu, sipas policisë, është konsultuar prokurori i shtetit, i cili ka rekomanduar që rasti të procedohet në procedurë të rregullt.

Po në të njëjtin fshat, policia i ka konfiskuar edhe 32 kavanoza mjaltë te një person tjetër, që dyshohet se janë kontrabanduar nga Maqedonia Veriore në Kosovës. Edhe me këtë rast vazhdojnë procedurat e rregullta, të ekzaminimit nga AUV dhe procedim i mëtutjeshëm nga gjykata.

E ndryshe nga kontrabanduesit tjerë, në fshatin Zajqevc të Kamenicës, një person është ndaluar nën dyshimin se ka kontrabanduar dru nga rajoni i Serbisë.

“Njësitë policore gjatë patrullimit kanë hasur në një sasi drurore të cilat ishin të pa damkosura. Lidhur me rastin është njoftuar zyrtari i pylltarisë i cili ka dalur në vendin e ngjarjes dhe ka konstatuar se bëhet fjalë për 7.40 m³ dru. Sasia drunore dyshohet se është kontrabanduar nga Serbia në Kosovës. Në lidhje me rastin është konsultuar prokurori i shtetit, rasti vazhdon të hetohet”, thuhet në raportin e policisë.

Leave a Reply

Your email address will not be published. Required fields are marked *

You May Also Like

Trupat e viktimave nga zjarri, mbërrijnë në Tetovë

Sapo kanë mbërritur trupat e viktimave që humbën jetën nga zjarri I…

Përfundon seanca gjyqësore, pritet vendimi mbi kërkesën e Prokurorisë për paraburgim të Muhamed Zekirit

Në Gjykatën Penale ka përfunduar seanca në Gjykatën Penale me Muhamed Zekirin.…

Bastiset shtëpia e 47 vjeçarit në Tetovë, policia i gjeti heroinë

Pjestarë të policisë nga Sektori për punë të brendshme-Tetovë, sot (20-shtator) rreth…

Kontrollë në objektet hotelierike në Haraçinë, ndalohet në stacionin policor një person

“Me datë 03.12.2022, zyrtarë policorë nga SPB Shkup – Njësiti për tregti…

Sekuestrohet sasi e madhe fentanili, e mjaftueshme për të vrarë të gjithë banorët e Amerikës

Agjentët federalë kanë kapur rreth 400 milionë doza potencialisht vdekjeprurëse – dyfishi…