Kongresmeni amerikan, Lee Zeldin u sulmua me mjet të mprehtë teksa mbante një fjalim gjatë fushatës për guvernator të New Yorkut, por ai nuk u lëndua.

Videoja, e publikuar nga dëshmitarët në rrjetet sociale, tregon një person të paidentifikuar, i veshur me një kapele të zezë bejsbolli, duke iu afruar me shpejtësi ligjvënësit në skenë gjatë tubimit elektoral të djeshëm teksa mbante “armën e ftoftë” në dorë.

Në video, burri mund të dëgjohet duke i përsëritur Zeldin-it “e mbarove” teksa i ofron dorën në fytyrë.

Kongresmeni e shtyu atë, përpara se të dy të binin në tokë, ndërsa disa të tjerë u përpoqën të nënshtronin të dyshuarin.

Një zëdhënëse e ekipit zgjedhor të Zeldin njoftoi në Twitter se i dyshuari u përpoq të godiste me thikë kongresmenin.

Ajo tha gjithashtu se politikani përfundoi fjalimin pas incidentit dhe falënderoi policët që u përgjigjën gjatë sulmit.

Policia lokale nuk ka bërë një deklaratë zyrtare në lidhje me këtë incident.

Zeldin, një nënkolonel i rezervës së ushtrisë amerikane, i cili ka përfaqësuar Long Island në Kongres që nga viti 2015, është një aleat i Donald Trumpit dhe ishte në mesin e republikanëve në Kongres që votuan kundër konfirmimit të fitores së Joe Bidenit në zgjedhjet e vitit 2020. 

Leave a Reply

Your email address will not be published.

You May Also Like

Osmani kërkon reagim nga BE-ja dhe NATO pas kërcënimit të Vuçiqit për luftë

Presidenti i Serbisë Aleksandër Vuçiq ka paralajmëruar se do të ketë konfliktë…

Londër/ Alarm më stacionin e trenit, evakuohen qytetarët

Një objekt i dyshimtë që u gjet në një tren në Londër…

Evakuimi i ushtarëve ukrainas nga fabrika e çelikut në Ukrainë përmes fotografive

Autobusët që transportonin anëtarë të shërbimit të forcave ukrainase nga fabrika e…

Kurti: Vuçiq u zemërua kur i thashë që t’i trajtojmë reciprokisht minoritetet

Kryeministri i Kosovës, në një bisedë me publicistin e Washington Post, Jason…

Historianët: Lista serbe të shpallet organizatë terroriste dhe anti-kushtetuese në Kosovë

Lidhja e Historianëve të Kosovës “Ali Hadri” dega në Deçan, dënon ashpër…