Sot, më 10 nëntor në takimin e grupit punues të Këshillit të Bashkimit Evropian në rend dite do të jetë edhe çështja e liberalizimit të vizave për Kosovën.

“Çështja e liberalizimit të vizave për Kosovën do të jetë në agjendë të enjten”, thanë shkurt nga Presidenca çeke për Telegrafin.

Ndryshe, për diskutimin e dytë të grupit punues për vizat në Këshillin e BE-së, Presidenca çeke ka dërguar një “dokument ndërinstitucional”, në të cilin tashmë është përfshirë edhe kërkesa e Francës e paraqitur në takimin e parë, më 13 tetor.

Franca kërkon që hyrja në fuqi e një vendimi eventual për liberalizimin e vizave për Kosovën, të kushtëzohet me fuqizimin e Sistemit Evropian të Informimit dhe Autorizimit të Udhëtimit (ETIAS).

Radio Evropa e Lirë ka pasur qasje në këtë dokument, i cili është bazë për diskutimet që do të zhvillohen më 9 apo 10 nëntor, në takimin e radhës të grupit punues për vizat të Këshillit të Bashkimit Evropian.

Propozimi i ndryshuar i Presidencës çeke të Këshillit të BE-së përmban kushtëzimin e hyrjes në fuqi të liberalizimit të vizave me “nisjen efektive të sistemit ETIAS”, si dhe kërkesat ndaj Kosovës që deri në hyrjen në fuqi, të përmbyllë marrëveshje për riatdhesim me ato vende të BE-së me të cilat nuk ka marrëveshje të tilla deri më tash, si dhe ta përshtatë edhe më tej politikën e saj të vizave me atë të Bashkimit Evropian.

“Heqja e vizave do të vlejë vetëm për bartësit e pasaportave biometrike të lëshuara në përputhje me standardet e Organizatës Ndërkombëtare të Aviacionit Civil (ICAO), dhe nuk do të zbatohet deri në nisjen efektive të operimit të Sistemit Evropian të informimit dhe autorizimit të udhëtimit (ETIAS)”, është formulimi i ri në draftin e fundit të tekstit të propozimit për vendimin për liberalizimin e vizave për Kosovën.

Sistemi digjital, ETIAS, synon të bëjë evidentimin e vizitorëve që hyjnë prej jashtë BE-së në zonën e lëvizjes së lirë, Schengen.

Leave a Reply

Your email address will not be published. Required fields are marked *

You May Also Like

Specialja kërkon nga Policia e Kosovës garanci për lirimin e mundshëm të përkohshëm të Gucatit e Haradinajt

Trupi gjykues II, ka urdhëruar Policinë e Kosovës që deri më 26…

Berisha: Vuçiq po vazhdon haptas përpjekjet për destabilizimin e Kosovës

Kryetari i Partisë Demokratike të Shqipërisë Sali Berisha, ka reaguar rreth zhvillimeve…

Zaev dhe Mickoski në izolim të detyrueshëm, gazetari që i intervistoi doli pozitiv

Lideri i VMRO-DPMNE-së, Hristijan Mickoski dhe ai i LSDM-së, Zoran Zaev do…

Rreth 15 mijë raste aktive me virus në Maqedoninë e Veriut

Numri i rasteve aktive me Covid-19 në vendin tonë është 14.998, prej…

Filloi seanca e Këshillit të Sigurisë, do të diskutohet për propozimin francez

Në kabinetin e presidentit Stevo Pendarovski, filloi mbledhja e Këshillit të Sigurisë…