Mediat raportuan rrjedhje gazi nga një reaktor i Centralit Taishan

Kina tha të martën se niveli i rrezatimit radioaktiv rreth centralit bërthamor Taishan në provincën juglindore të Guangdong mbetet brenda normës. Ky njoftim i autoriteteve kineze pason raportimin e rrjetit televiziv CNN se në një nga reaktorët e centralit ka pasur rrjedhje të gazit radioaktiv.

Firma franceze EDF, një prej pronarëve centralit, tha më herët se po hetonte raportet e mediave për nivele jo normale të gazit radioaktiv dhe rrjedhje nga centrali.

CNN raportoi se Framatome, njësia e EDF-së që projektoi reaktorët e centralit Taishan, kishte paralajmëruar për “kërcënim të menjëhershëm radioaktiv”.

Zhao Lijian, një zëdhënës i Ministrisë së Jashtme të Kinës, tha në një konferencë për median se centrali ishte plotësisht funksional dhe në përputhje me të gjitha kërkesat.

“Deri më tani termocentralet bërthamore të Kinës mbajnë rekord për mirë funksionimin e tyre, pa asnjë incident që ndikon mjedisin dhe shëndetin publik”, tha Zhao.

Centrali Taishan, i përfunduar në vitin 2019, përbëhet nga dy reaktorë të projektuar nga firma franceze EDF. Ai ndodhet rreth 200 km larg kufirit të Hong Kongut. Më herët, guvernatorja e Hong Kongut Carrie Lam u tha gazetarëve se Observatori i Hong Kongut dhe Departamenti i Furnizimit me Ujë kanë monitoruar nivelet e rrezatimit dhe deri më tani ato paraqiten normale.

Leave a Reply

Your email address will not be published.

You May Also Like

Studiuesit kanë zbuluar fakte të reja për koronavirusin: Qëndron tek një i infektuar për 49 ditë

Studiuesit kinezë dyshojnë se kanë gjetur një formë të re të koronavirusit,…

Turqia kërkon nga SHBA-ja sistemin raketor “Patriot”

Ministri i Punëve të Jashtme të Turqisë, Mevlut Çavasoglu, ka kërkuar nga…

Duda Balje: Asociacioni në Kosovë mund të jetë i ngjashëm me Republikën Sërpska

“Bosnja është politikisht jostabile që shumë vite – prej Dejtonit e deri…

Gratë udhëheqëse të Kosovës

Për herë të parë në Qeverinë e Kosovës do të ketë pesë…

Osmani: Kroacia është aleati ynë kyç në rrugën tonë euroatlantike

Presidentja e Kosovës, Vjosa Osmani në një konferencë të përbashkët me presidentin…