Lideri suprem i Iranit, Ayatollah Ali Khamenei e akuzoi të shtunën presidentin amerikan, Joe Biden se po bën kërkesat e njëjta sikurse paraardhësi i tij, Donald Trump në bisedimet për ta ringjallur marrëveshjen bërthamore.

Marrëveshja bërthamore e vitit 2015 ndërmjet Iranit dhe fuqive botërore, i mundësonte Iranit heqjen e sanksioneve, në këmbim të frenimit të programit bërthamor. Por, ish-presidenti Trump, e tërhoqi SHBA-në nga kjo marrëveshje më 2018.

Në raundin e fundit të bisedimeve ndërmjet Iranit dhe shteteve nënshkruese të marrëveshjes, që kanë për qëllim ringjalljen e këtij pakti, që u mbajtën në qershor, nuk pati përparime.

“Administrata aktuale amerikane nuk është e ndryshme nga e kaluara sepse ajo çfarë kërkon nga Irani për çështjet bërthamore është e formuluar me fjalë të tjera, por është e njëjta ajo që kërkonte Trumpi”, citohet të ketë thënë Khamenei, transmeton AFP.

“Amerikanët nuk kanë turp sa i përket çështjes bërthamore edhe pse ata u tërhoqën nga marrëveshja, tani ata flasin në një mënyrë dhe bëjnë kërkesa sikur të ishte Irani ai që u tërhoq nga marrëveshja”, shtoi Khameni, sipas lajmit të publikuar në ueb-faqen e tij zyrtare.

Khamenei i bëri këto komente gjatë takimit me kabinetin e sapoformuar të presidentit iranian, Ebrahim Raisi.

Pasi SHBA-ja u tërhoq nga marrëveshja, Uashingtoni vendosi sanksione ndaj Iranit dhe ky i fundit u kundërpërgjigj duke shkelur zotimet e bëra në marrëveshjen e vitit 2015.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…