VMRO-DPMNE akuzon Qeverinë dhe ministrin Oliver Spasovski për paaftësi me menaxhimin e alarmeve për bomba.

”Pas tre muajsh raportime për bomba në shkolla, institucione, ndërtesa banimi, qendra tregtare dhe tani në aeroport, hotele dhe ambiente sportive, vetëm tani menduan të kërkonin ndihmë ndërkombëtare nga partnerët tanë. Pse kanë pritur kaq gjatë Spasovski dhe Kovaçevski? Pse nuk i shfrytëzuan me kohë të gjitha kapacitetet e brendshme dhe ndërkombëtare për t’u përballur me një kërcënim të tillë të sigurisë që përhap tension dhe frikë te qytetarët?

Paaftësia e Oliver Spasovskit bëhet problem sigurie për Maqedoninë. Ai tashmë është në postin e ministrit të Punëve të Brendshme për të tetin vit. Rezultati është një rënie e profesionalizmit dhe autoritetit të policisë. Për shkak të punësimit të kuadrove partiake dhe personave me të kaluar, policia nuk ka mundur t’u përgjigjet kërcënimeve ndaj rendit dhe qetësisë në Maqedoni.
Prandaj është e nevojshme që Spasovski të japë dorëheqjen dhe qeveria e udhëhequr nga Kovaçevski ta njohë sa më parë paaftësinë e tij dhe të kërkojë ndihmën e ekspertëve vendas dhe të huaj për të gjurmuar dhe sanksionuar denoncuesit e tillë të bombave” – thuhet në kumtesën e VMRO-DPMNE-së.

Leave a Reply

Your email address will not be published. Required fields are marked *

You May Also Like

Si krijohet një vaksinë, hap pas hapi

Zhvillimi një vaksinë në mes të një pandemie është një garë me…

Paralajmërohet protesta e radhës

Rrjeteve sociale tanimë është paralajmëruar protesta e radhës e planifikuar të mbahet…

Arrestohet eksperti politik në Gjermani, dyshohet se spiunoi për Kinën

Një ekspert i politikës në Gjermani është arrestuar nën dyshimin se ka…

Komplekset e tradhëtarit

Shaqir Fetai, vetëm i urryer nga xhematet e vendit, mund të ikë…

Berisha: Mbyllim vitin si opozita që ngjalli shpresë

“Demokratët ia kanë prerë biletën Lulzim bravës” Viti që po lëmë pas…