Afrimi i Edi Ramës dhe Aleksandar Vuçiqit nuk është “i shëndetshëm”, thotë për Radion Evropa e Lirë, Edward Joseph, ligjërues në Universitetin “Johns Hopkins” në Uashington.

“Në fakt, duhet përkujtuar se një Serbi e madhe çon në krijimin e Shqipërisë së Madhe dhe anasjelltas. Kjo është një dinamikë shumë e rrezikshme dhe ajo po thyhet në Kosovë, në lumin Ibër. Tregu ekonomik rajonal është shumë i rëndësishëm për të gjitha vendet, por nuk mund të realizohet pa vlera evropiane, demokratike.

Përkundrazi, mund të jetë i rrezikshëm”, konsideron Joseph.

Ai shton se është fakt i paqëndrueshëm që Kosova ende nuk e ka zbatuar vendimin e Gjykatës Kushtetuese për kthimin e pronës së Manastirit të Deçanit.

Ai po ashtu thekson se Kosova e ka obligim që ta zbatojë vendimin për themelimin e Asociacionit të Komunave me Shumicë Serbe, sepse këtë e ka pranuar në vitin 2013 dhe 2015, në kontekstin e negociatave.

“Prishtina mund të propozojë, në mënyrë konstruktive, se si Asociacioni i Komunave me Shumicë Serbe mund të organizohet në harmoni me sovranitetin dhe integritetin territorial të Kosovës, por edhe me interesat e serbëve atje. Është shumë e mundur të formohet një asociacion i tillë, që nuk do të ishte Republikë Srpska, duke kontribuar kështu në krijimin e besimit”.

Sipas tij, presidenti serb, Aleksandar Vuçiq, e paraqet Serbinë si një partnere kyçe në rajon për Perëndimin, edhe pse nuk është.

“Në fakt është një faktor destabilizues. Nuk mund të jesh partner i Perëndimit dhe në të njëjtën kohë të promovosh ‘Botën serbe’, sepse këto dy gjëra janë të papajtueshme. Nuk mund të jesh një partner perëndimor dhe në të njëjtën kohë të promovosh Xi Jinpingun dhe Vladimir Putinin, duke hyrë në një partneritet strategjik me Kinën dhe Rusinë”, thekson Joseph./REL

Leave a Reply

Your email address will not be published.

You May Also Like

Për dy vjet 15 mijë e 824 kosovarë janë pajisur me vizë pune të Gjermanisë

Instituti GAP ka publikuar një raport për emigrimin e fuqisë punëtore të…

Ukrainasit publikuan imazhe të dronit të rrëzuar, tallën keq me rusët

Shërbimi Shtetëror i Emergjencave ukrainase publikoi në rrjete sociale fotografi të dronit…

Azem Sadiki kalon në ASH

Kryetari i Komunës së Gostivarit, Arben Taravari së bashku me kryetarin e…

Putin, drejt ripërqendrimit për luftë në rajonin e Donbasit

Sulmet ruse në kryeqytetin e Ukrainës, Kiev, duket se janë më të…

Policia arreston autorin e dyshuar të vrasjes së 6 personave në paradën e 4 Korrikut në SHBA

Pas të shtënave me armë zjarri në paradën e Ditës së Pavarësisë…