Banorët e fshatit të vogël Al-Araqeeb kanë bërë të ditur, të hënën, se vendbanimi i tyrë është shkatërruar për herë të 210 nga autoritetet e Tel Avivit, në një aksion që nga këto të fundit është cilësuar i karakterit ambiental.

Aziz Al-Turi, anëtari i Komitetit Lokal për Mbrotjen e kësaj zone e cila ndodhet në rajonin e Negevit, në jug të Izraelit, ka thënë se shtëpitë, të atilla çfarë ishin, do të ndërtohen sërish, “siç bëjnë çdoherë”, raporton agjencia turke e lajmeve Anadollu.

Për shkak të shkatërrimeve jashtëzakonisht të shpeshta, ndërtesat e banimit në këtë fshat bëhen kryesisht nga druri dhe teneqeja, e në ndonjë rast edhe materialet plastike.

Janë 22 familje që ishin duke jetuar këtu, deri në aksionin e fundit.

Hera e parafundit kur Al-Araqeeb u prish me “rrënjë” ishte kah mesi i nëntori, sipas Al-Turi. Shkatërrimi i parë ndodhi në korrik 2010.

Autoritetet izraelite nuk e njohin Al-Araqeebin dhe disa fshatra tjera të kësollojta beduinësh në rajonin e Negevit, duke refuzuar po ashtu të sigurojë shërbime publike për banorët, ndërsa që këta insistojnë të jetojnë këtu. Ata thonë se të parët e tyre i blenë këto prona në vitet e fundit të sundimit të Perandorisë Osmane në këtë zonë.

Autoritetet izraelitë nuk pranojnë asnjë dokument mbi prionësinë, që daton para themelimit të shtetit hebre dhe thonë se kjo pjesë duhet të mbillet me drunj dhe nuk është e paraparë të jetë zonë banimi.

Leave a Reply

Your email address will not be published. Required fields are marked *

You May Also Like

Rama: Angela Merkel do t’i mungojë Ballkanit Perëndimorë

Kryeministri i Shqipërisë, Edi Rama në konferencën e së përbashkët me kancelaren…

Rreth 5.000 shtetas të Maqedonisë së Veriut vitin e kaluar kanë kërkuar azil në BE

Vitin e kaluar, 4.922 qytetarë të Maqedonisë së Veriut kërkuan azil në…

Barcelona ndalon pirjen e duhanit në plazhe

Autoritetet spanjolle duan që t’i bëjnë 10 plazhet e qytetit pa duhan…

Mos derdhni lotë krokodili për lirimin e Mijallkovit, ta fillojmë reformën në gjyqësor

“Rasti i djeshëm skandaloz me lirimin e Sasho Mijallkovit nga dënimi me…

Vdes nga koronavirusi ish-ministri francez, Patrick Devedjian

Ish-ministri francez, Patrick Devedjian, ka vdekur nga koronavirusi të dielën në mëngjes.…