Ish-kancelari gjerman Gerhard Schroeder, ka deklaruar se Rusia dëshiron të gjej një zgjidhje përmes negociatave për t’i dhënë fund luftës në Ukrainë.

Schroeder, mik i afërt i presidentit rus Vladimir Putin, theksoi se marrëveshja e muajit të kaluar për drithërat, mund të ofrojë gjasa për një gjë të tillë.

“Lajm i mirë është se Kremlini dëshiron të gjej një zgjidhje përmes negociatave”, tha Schroeder gjatë një interviste dhënë për RTL/ntv – duke pranuar se javën e kaluar është takuar me Putinin në Moskë.

“Suksesi i parë është marrëveshja për grurin, ndoshta mund të lëvizin gjërat ngadalë, por mund të ndodhë armëpushimi”, shtoi ish-kancelari gjerman.

Megjithatë, Schroeder pranoi se zgjidhja për probleme kritike siç është aneksimi i Krimesë do të kërkojë kohë – “ndoshta jo për 99 vite, sikurse Hong Kongu, por në gjeneratën e ardhshme”.

Ish-lideri gjerman ka kritikuar luftën në Ukrainë, por ka refuzuar të dënojë veprimet e Putinit – që akoma e konsideron mik të ngushtë.

Ai është kritikuar ashpër në Gjermani për qëndrimet e tij, dhe vazhdimisht i është bërë thirrje që të distancohet nga Rusia dhe Putini.

Leave a Reply

Your email address will not be published.

You May Also Like

1 viktimë dhe dëme të shumta materiale nga tërmeti në Meksikë

Një tërmet i fuqishëm me magnitudë 7.4 goditi Meksikën. Lëkundjet u ndjenë…

Rikonfirmimi i dënimeve për Grupin e Kumanovës, reagon Aleanca

“Dje regjimi VMRO-BDI me qëllim të spostimit të vëmendjes së opinionit nga…

Ky është mërgimtari që i dha 100 mijë euro për fondin “Kurti”

Fondi Emergjent i Qeverisë për Covid-19 sot ka pranuar edhe 100 mijë…

Biden thekson pasojat për Kinën nëse mbështet Rusinë

Presidenti i SHBA Joe Biden tha për CNN se telefonata e tij…

Në varrezën e supozuar masive në veri të Kosovës, dyshohet se janë 23 shqiptarë

Dyshohet se në fshatin Dreth të Leposaviqit, gjendet një varrezë masive me…