Agjencia gjermane e inteligjencës ka thënë se në të ardhmen, Kina mund t’i shkaktojë më shumë probleme Gjermanisë sesa Rusia, sidomos sa u përket sulmeve kibernetike.

Në një intervistë për radion SWR, Thomas Haldenwang, presidenti i agjencisë së njohur si Zyra Federale për Mbrojtjen e Kushtetutës, ka thënë se “në periudhë afatgjatë, Kina dëshiron të bëhet fuqi lidere në aspekte të ndryshme”, “jo vetëm në fushën e ekonomisë dhe teknologjisë, por edhe atë politike”.

“Në periudhë afatgjatë, Kina mund të bëhet kundërshtarja kryesore”, ka deklaruar ai.

Kur është pyetur si është duke u përgatitur agjencia që ai udhëheq për një kërcënim të mundshëm, Haldenwang se “kudo ku ka zjarr, aty shkon brigada e zjarrit”.

Në mënyrë që të luftojë me sukses hakerët e rinj, agjencia ka rekrutuar së fundi të rinj që nuk kanë profilin e punëtorëve të zakonshëm.

Ata janë të rinj “që konsumojnë disa litra cola dhe që nuk punojnë sipas orareve të zyrave”.

Kur është pyetur sesi arrin agjencia të rekrutojë stafin, pavarësisht mungesës universale të specialistëve të teknologjisë informative, ai ka thënë se në agjencinë që udhëheq ai, njerëzit kanë mundësi që të mbrojnë demokracinë.

Sipas tij, disa detyra janë më interesante sesa biznesi pasi puna përfshin garë me hakerët rusë dhe ata kinezë. /rel/

Leave a Reply

Your email address will not be published.

You May Also Like

Pëson defekt aeroplani që kishte për t’i çuar besimtarët kosovarë në Haxh

Bashkësia Islame e Kosovës (BIK) përmes rrejteve sociale sot ka njoftuar se…

Kryeministri Zaev realizoi takim me Shkëlqesinë e tij Papa Françeskun

Kryetari i Qeverisë së Republikës së Maqedonisë së Veriut, Zoran Zaev dhe…

PDK të enjten zgjedh Kryesinë e re

Partia Demokratike e Kosovës javën e ardhshme do të mbledhë Këshillin Drejtues…

E mitura në Prizren u morr nga një person për bashkëjetesë

Një grua në Prizren ka njoftuar policinë se një mashkulla ia ka…

Sulmi në festivalin e Kalifornisë, momenti kur njerëzit në panik largohen

Të paktën 4 të vrarë dhe 15 të plagosur është bilanci i…