Në Gjermani jeta publike gati minimizohet. Instituti prestigjioz gjerman “Robert Koch” vlerëson, se pandemia mund të zgjasë deri në vjet.

Gjermania sot ka ndryshuar pas vendimit për mbylljen e dyqaneve, klubeve, palestrave, e mjaft institucioneve publike. Jeta publike është minimizuar, megjithëse njerëzit dalin në rrugë.

Instituti prestigjioz shkencor në Gjermani “Robert Koch” e rriti shkallën e rrezikut të infeksionit Covid 19 në Gjermani. Tani ajo shihet si “e lartë”. Deri më tani ky institut e kishte kategorizuar rrezikun si “mesatar”. Arsyeja është rritja e shpejtë e numrit të të infektuarve në Gjermani. Ky institut regjistroi 6012 raste infeksioni të martën dhe 13 të vdekur, por realisht numri i të infektuarve është më i lartë, për shkak të kapaciteteve të limituara të testimit dhe vonesave 3-4 ditë në regjistrim. Sipas drejtorit të institutit Robert Koch pandemia mund të zgjasë deri në dy vjet. “Në rastin ekstrem  kjo mundësi ekziston”, tha drejtori i institutit, “Robert Koch”, Lothar Wieler. Por gjendja duhet të rivlerësohet rregullisht, sipas tij.

E dimë se pandemitë kanë një fazë zhvillimi me valë, tha ai në konferencën e përditshme për shtyp të institutit. Shpejtësinë e tyre nuk e dimë. Por do të zgjasë vite derisa të arrihet infektimi i i 60-70% të popullsisë. Zgjatja e pandemisë varet edhe nga koha kur do të mund të vihet në veprim një vaksinë. Kjo mund të ndodhë që nga viti i ardhshëm, sipas Wieler.

la/ag

Marrur: dw.com/sq

Leave a Reply

Your email address will not be published.

You May Also Like

90 raste të reja me koronavirus në Maqedoni, 6 kanë ndërruar jetë

Së paku 90 raste të reja me koronavirus janë shënuar në 24…

Garland: Rritja e terrorizmit të brendshëm, një shqetësim i madh

Prokurori i Përgjithshëm i Shteteve të Bashkuara, Merrick Garland i kërkoi Kongresit…

KS i OKB-së nuk e miraton rezolutën ruso-kineze për Bosnje-Hercegovinën

Këshilli i Sigurimit i Kombeve të Bashkuara refuzoi Projekt-Rezolutën e Rusisë dhe…

“Të hyjë SHBA për zgjidhjen e tensioneve Kosovë-Serbi”, ligjvënësit thirrje Bidenit!

Grupi i Çështjeve shqiptare në Kongresin amerikan i bëri thirrje Presidentit Joe…

Hajnat vjedhin stoli ari, raportohet për të shtëna me armë

Një person nga Ferizaj kishte raportuar në polici se dy persona të…