KFOR-i në bashkëpunim me institucionet kosovare të sigurisë do të mbajë stërvitjen e saj vjetore “Shpata e argjendtë – Silver Sabre” nga 20 deri më 23 shtator, në zonën e trajnimit të fushës ajrore në Gjakovë dhe në objektin e fabrikës Ereniku.

Nëpërmjet një kumtese për media KFOR-i bën të ditur se komunitetet lokale mund të shohin një rritje të qarkullimit të automjeteve ushtarake dhe civile, duke përfshirë automjete të rënda dhe makineri lëvizëse në tokë, të cilat do të përdoren për të krijuar skenarin e stërvitjes.

Por se të gjitha masat e nevojshme do të vendosen për të zbutur çdo shqetësim që mund t’i shkaktohet popullatës.

“Stërvitja do të shfaqë një operacion të reagimit emergjent në shkallë të gjerë, ku përfaqësuesit e Policisë së Kosovës, Kryqit të Kuq, Forcave të Sigurisë së Kosovës, Agjencisë për Menaxhimin e Emergjencave dhe komunës së Gjakovës do të testohen – me mbështetjen e personelit të KFOR-it – në përpjekjet e tyre për të shpëtuar jetë , të lehtësojë shqetësimin e popullsisë vendase të prekur nga fatkeqësia natyrore, të ruajë sigurinë, të ruajë funksionimin e shërbimeve thelbësore dhe të përgatitet për rivendosjen e situatës normale”.

KFOR -i është përfshirë në serinë e ushtrimeve “Silver Sabre” që nga viti 2012, me qëllim të trajnimit të institucioneve kosovare të sigurisë dhe ndihmës së tyre në zhvillimin e kapaciteteve të nevojshme për të trajtuar emergjencat natyrore.

“Progres i rëndësishëm është bërë gjatë këtyre viteve të fundit. Stërvitja Silver Sabre e vitit 2021 do të ndihmojë në zhvillimin e mëtejshëm të kapacitetit të planifikimit dhe koordinimit të institucioneve kosovare të sigurisë në këtë fushë”.

Një “Ditë e Vizitorëve të Shquar” do të mbahet më 23 shtator në trajnimin në terrenin ajror të Gjakovës, thuhet mes tjerash në njoftim.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…