Gruaja e vrarë sot para hyrjes së Klinikës së Gjinekologjisë në QKUK, ishte në javën e fundit të shtatzënisë, ndërroi jetë edhe foshnja, raporton Gazeta Shneta.
Gruaja 35-vjeçare e cila u qëllua për vdekjen para hyrjes së Gjinekologjisë në QKUK, ishte në javën e fundit të lajmeve. Nga të shtënat ka mbetur e vdekur edhe foshnja.
Gazeta ka mësuar se e ndjera ishte shtrirë në Gjinekologji për terminin e lindjes, por para disa minutash ishte takuar me ish-bashkëshortin e saj në oborrin e klinikës.
Ish-bashkëshorti dyshohet të ketë shtënë disa herë në drejtim të saj, duke e lënë të vdekur nënën bashkë me foshnjën.
Rasti është konfirmuar edhe nga Policia e Kosovës, të cilët kanë thënë se po hetohet nga njësitet në koordinim me prokurorin e shtetit.
“Rreth orës 18:00, kemi pranuar informatën për një trup të pajetë, në oborrin e QKUK-së në Prishtinë. Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen e viktimës, femër, rreth 35 vjeç. Mbështetur në informacionet e para, dyshimet e ngritura sugjerojnë se bëhet fjalë për vrasje. Aktualisht policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim sqarimin e plotë të ngjarjes”, ka thënë zëdhënësja e Policisë Flora Ahmeti.
