I ashtuquajturi “Trekëndësh i Weimarit”, i cili përfshin një format të tri shteteve: Gjermanisë, Francës dhe Polonisë, kanë lëshuar të premten një deklaratë të përbashkët rreth zhvillime të fundit gjeopolitike, përfshirë edhe ngjarjet në Ballkan.

Në një deklaratë të përbashkët të ministrive të jashtme të Gjermanisë, Francës dhe Polonisë, thuhet se tri shtetet bëjnë thirrje për progres në çështjen e liberalizimit të vizave për Kosovën.

“Trekëndëshi i Weimarit” thotë se e mbështet plotësisht dialogun ndërmjet Kosovës dhe Serbisë dhe thekson “nevojën për një marrëveshje gjithëpërfshirëse që i mundëson Kosovës dhe Serbisë të avancojnë në rrugëtimin e tyre evropian”.

“Ne mbështesim plotësisht dialogun Kosovë-Serbi të udhëhequr nga BE-ja dhe theksojmë nevojën për një marrëveshje gjithëpërfshirëse që i mundëson Kosovës dhe Serbisë të avancojnë në rrugëtimin e tyre evropian dhe të kontribuojnë në stabilitetin në rajon”, thuhet në njoftim.

“Ne bëjmë thirrje për progres në lidhje me liberalizimin e vizave për Kosovën”, vijon komunikata.

Po ashtu, në komunikatë thuhet se vendet tona janë të përkushtuara fuqishëm ndaj Procesit të Berlinit.

“Ne theksojmë rëndësinë e zbatimit të vendimit historik nga gjashtë vendet e Ballkanit Perëndimor për të krijuar një treg të përbashkët rajonal”, thuhet në komunikatën e përbashkët të ministrive të jashtme gjermane, franceze dhe polake.

Leave a Reply

Your email address will not be published. Required fields are marked *

You May Also Like

Si janë të vendosura forcat e NATO-s në Evropën Lindore

Kërcënimi i një pushtimi të Ukrainës nga ana e Rusisë i ka…

Mungesa e publikimeve shkencore rrezikon mos akreditimin e departamenteve në UP

Nga tetori i këtij viti, bartësit e programeve në nivelin Bachelor e…

Problem për flotën detare ruse, Sudani ndalon lëvizjen e anijeve ruse në ujërat e Detit të Kuq

Sudani ndaloi ndërtimin e bazës detare ruse, tash ndalon edhe lëvizjen anijeve…

Kumanova sërish kërkon nga Qeveria që ta shpallë karantinë të gjithë territorin e komunës

Shtabi komunal për krizë, mbrojtje dhe shpëtim në Kumanovë mbajti një takim…

Ambasada e SHBA-së: Nuk mbështesim rritjen e pagave në Gjykatën Kushtetuese

Ambasada Amerikane demanton Gjykatën Kushtetuese. Në një deklaratë për Alsat, ata sqarojnë…