Gazetari i njohur italian Roberto Saviano është shpallur fajtor për shpifje pasi ka fyer kryeministren Giorgia Meloni në një intervistë televizive.
Saviano përdori një fjalë sharjeje për të përshkruar zonjën Meloni ndërsa sulmoi qëndrimin e saj ndaj migrimit në dhjetor 2020.
Atij i është shqiptuar një gjobë prej 1000 eurosh.
Megjithatë ai do të duhet ta paguajë atë vetëm nëse përsërit shkeljen, ndërsa analistët thanë se vendimi dërgoi një “mesazh rrëqethës” për lirinë e shtypit.
Duke folur me gazetarët jashtë gjykatës, Saviano tha se qeveria e Melonit kishte kërkuar ta “frikësonte” atë për zbulimin e “gënjeshtrave” për emigrantët, raportoi agjencia e lajmeve AFP, shkruan BBC.
Avokati i Giorgia Melonit tha se fjalët e tij ishin “fyerje”, jo kritikë, duke e akuzuar atë për “gjuhë të tepruar, vulgare dhe agresive”, shtoi agjencia.
Incidenti ndodhi në një intervistë televizive të dhjetorit 2020, përpara se Meloni të bëhej kryeministre.
Në intervistë, Saviano kritikoi Melonin dhe liderin e krahut të djathtë Matteo Salvini për komentet e tyre mbi anijet bamirëse të shpëtimit të emigrantëve.
Sipas ligjit italian, disa raste shpifjeje mund të jenë penale dhe të dënohen me burgim deri në tre vjet burg.
Meloni ka ngritur padi të ngjashme në të kaluarën, përfshirë kundër redaktorëve të gazetës “Domani”, për pretendimin se ajo ishte përpjekur të ndihmonte një deputet nga partia e saj të fitonte një kontratë qeveritare për të blerë maska për fytyrën gjatë pandemisë Covid-19.
Në fillim të këtij viti, u zbulua se ajo po padit edhe këngëtarin e Placebo, Brian Molko për shpifje, pasi ai e quajti atë fashiste dhe raciste gjatë një koncerti në Torino.
Kundërshtari i mafias në Itali del në gjyq pasi e ofendoi kryeministren italiane
