Nesër do të mbahet raundi i parë i zgjedhjeve parlamentare në Francë, i cili përfundimisht do të bëhet i ditur vetëm pas raundit të dytë një javë më vonë, pasi nuk dihet nëse presidenti i qendrës, Emmanuel Macron do të fitojë shumicën prej 577 deputetësh.

Sipas sondazhit të fundit të opinionit publik të transmetuar nga mediat franceze, koalicioni i Macronit së bashku mund të fitojë 27 për qind të votave dhe aleanca e partive të majta të udhëhequra nga lideri i së majtës radikale, Jean-Luc Melanchon, 26.5 për qind.

Në vendin e tretë do të ishte partia e ekstremit të djathtë e Marin Le Pen (Marine) me 19.5 për qind dhe në vendin e katërt do të ishin republikanët e djathtë me 11 për qind.

Mediat vlerësuan se e diela do të jetë “një ndeshje e vërtetë mes Macronit dhe Melenchon”, raporton euronews.

Melenchon, 70 vjeç, i cili fitoi vendin e tretë në raundin e parë të zgjedhjeve presidenciale, dëshiron t’i paraqesë zgjedhjet parlamentare si raundin e tretë të zgjedhjeve presidenciale. Koalicioni i quajtur “Bashkimi Ekologjik dhe Social i Popullit të Ri” (Nupes) bashkon socialistët, komunistët, ambientalistët dhe partinë e Melanchonit, Franca e Papushtuar.

Francezët do të votojnë për kandidatët për 577 deputetë dhe shumica absolute kërkon të fitojë të paktën 289 vende. Nëse aleanca e Macronit do të humbiste shumicën, do të ishte një precedent që nga prezantimi i Republikës së Pestë në Francë në vitin 1958, kujtuan mediat lokale.

Ndryshe, votimi fillon sot në disa territore franceze jashtë shtetit si Guadelupe dhe Martinique.

Leave a Reply

Your email address will not be published.

You May Also Like

Viktor Orban: Nuk duam myslimanë në vendin tonë

Kryeministri i Hungarisë, Viktor Orban tha se vendi i tij nuk dëshironte…

Dimitrievski për përjashtimin nga LSDM: Jam i dëshpëruar nga vendimi, nuk dorëzohem

Kryetari aktual i Kumanovës, Maksim Dimitrievski, ka reaguar pas përjashtimit të tij…

Facebook themelon “gjykatë” për ankesat e përdoruesve

Kompania Facebook ka zbuluar planin për të krijuar një bord të pavarur…

Euro dixhitale po vjen, çfarë do të thotë saktësisht kjo për Evropën

Banka Qendrore Evropiane (BQE) po bën përparim në përpjekjet e saj për…

Mickoski: Zaevin do ta durojmë edhe pak javë

Kreu i VMRO-DPMNE-së Hristijan Mickoski është I bindur se pakënaqësia mes partnerëve…