Pjesëmarrja e ekonomisë së zezë në sektorin e përgjithshëm të ekonomisë në Maqedoninë e Veriut arrin 37.6 për qind. Këto janë të dhënat e fundit nga Fondi Monetar Ndërkombëtar (FMN).

Sipas këtyre të dhënave Maqedonia e Veriut, është në vendin e katërt në rajonin e Evropës Juglindore, ku ekonomia e zezë zë hapësirë të konsiderueshme. Menjëherë pas saj renditen Kosova me 38.8 për qind, Mali të Zi 38.2 dhe Bullgaria me 37.8 për qind të pjesëmarrjes së ekonomisë së zezë.

Nga ana tjetër para Maqedonisë së Veriut, në këtë drejtim janë Kroacia, me 35 për qind të pjesëmarrjes në ekonominë e zezë, Rumania (34.8 për qind), Serbia dhe BeH (me 34.8 për qind), Greqia (30.2 për qind), Turqia (29.6 për qind) dhe Shqipëria (28.3 për qind)

Tre shtetet udhëheqëse në Evropë, me pjesëmarrje më të vogël në ekonominë e zezë janë Austria, me 9.4 për qind, Luksemburgu, 9.7 dhe Zvicra me 9.8 për qind.

Në analizën e FMN-së, theksohet se përqindja e ekonomisë së zezë, e matur në bazë të Bruto Prodhimit Vendor, shënon rënie në të gjitha rajonet e botës. Megjithatë ata potencojnë se kjo pjesë joformale e aktiviteteve ekonomike, e cila është jashtë ekonomisë rregullare dhe sistemit të tatimit, është shumë vështirë të matet.

“Personat dhe kompanitë e përfshira në ekonominë joformale zakonisht punojnë me vëllim të vogël. Kjo nënkupton se nuk ka statistikë zyrtare për ekonominë jo formale apo ekonominë e zezë, siç thuhet ndonjëherë. Kësisoj ekonomistët individualisht duhet ta vlerësojnë madhësinë e saj. Disa teknika të zakonshme përfshinë hulumtime apo indikator indirekt, siç është kërkesa e valutave të huaja”, thuhet në analizën e FMN-së.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…