Prokurori i Përgjithshëm i ShBA-së, Merrick Garland, e ka emëruar një këshilltar special për të hetuar rastin e dokumenteve të klasifikuara të presidentit Joe Biden.

Robert Hur, një ish-zyrtar i lartë i Departamentit të Drejtësisë gjatë presidencës Trump, do të drejtojë hetimin.

Dosjet e klasifikuara u gjetën kohët e fundit në shtëpinë e Biden dhe në një zyrë që ai përdori pas mandatit të tij si zëvendëspresident.

Shtëpia e Bardhë tha se Biden do të bashkëpunojë plotësisht me hetimin. Grupi i parë i dosjeve u gjet më 2 nëntor në Qendrën Penn Biden, një institut kërkimor i nisur nga Biden në Uashington.  Më pas ato iu dorëzuan Arkivit Kombëtar të SHBA-së.

Garland tha se një grup i dytë dosjesh u gjetën më 20 dhjetor në shtëpinë e Biden në Wilmington, Delaware. Ai shtoi se të enjten në mëngjes, avokatët e Biden thirrën hetuesit për t’i njoftuar ata për dokumentet shtesë.

Pas një hetimi fillestar nga prokurori i SHBA-së, John Lausch, Garland tha se zyra e tij vendosi që një avokat special ishte i nevojshëm për të hetuar dosjet e Biden për shkak të “rrethanave të jashtëzakonshme” të çështjes.

Leave a Reply

Your email address will not be published. Required fields are marked *

You May Also Like

Sela në tubimin e VV-së në Prishtinë

Sonte Levizja Vetevendosje ne Prishtine ka mbajtur tubimin permbylles te saj ne…

Gjermania ka pranuar të dërgojë armë të rënda në Ukrainë – sa domethënëse është një gjë e tillë?

Gjermania ka rënë dakord të dërgojë tanke kundërajrore në Ukrainë, njoftoi të…

Pushtimi rus i Ukrainës mund të vijë nga mesi i shkurtit, thotë zyrtarja e lartë amerikane

Ndërsa zyrtarët amerikanë thonë se ka ‘çdo indikacion të çon’ te ajo…

Kohë për lutje e bamirësi

“…Ai e di se disa prej jush do të jenë të sëmurë,…

Pse Europa nuk është e zëshme në rastin “Reket”

Një përgjigje e keni në fb profilin “El Cheka”: Federica Mogherin bashk…