Anija e parë që transportonte grurë është nisur nga një port ukrainas sipas një marrëveshje historike me Rusinë. Zyrtarët turq dhe ukrainas thonë se anija u largua nga porti jugor i Odesa-s herët në mëngjesin e ditës së sotme.

Rusia ka bllokuar portet e Ukrainës që nga muaji Shkurt, por të dyja palët ranë dakord për një marrëveshje për të rifilluar dërgesat.

Shpresohet se marrëveshja do të lehtësojë krizën globale të ushqimit dhe do të ulë çmimin e drithit.

Në një deklaratë përpara nisjes së anijes, Turqia tha se anija me flamur të Sierra Leone do të ankorohej në Liban, duke shtuar se dërgesat e mëtejshme ishin planifikuar gjatë javëve të ardhshme.

Qendra e Përbashkët e Koordinimit (JCC) në Stamboll, e krijuar sipas marrëveshjes tha se anija mbante rreth 26,000 ton misër dhe pritej të mbërrinte në ujërat turke për inspektim ditën e martë.

“Sot Ukraina, së bashku me partnerët, ndërmerr një hap tjetër për të parandaluar urinë në botë”, shkroi në Facebook ministri i Infrastrukturës së Ukrainës, Alexander Kubrakov.

Marrëveshja e muajit të kaluar u ndërmjetësua nga OKB-ja dhe Turqia dhe u deshën dy muaj për t’u arritur. Kjo marrëveshje parashikohet të zgjasë për 120 ditë. Mund të rinovohet nëse të dyja palët bien dakord.

Leave a Reply

Your email address will not be published. Required fields are marked *

You May Also Like

Projektligji për asistencën dhe buxhetin në pritje të firmës së Trump

Presidenti amerikan Donald Trump po e kalon fundjavën e festës në pronën…

Sulmohet objekti i stacionit policor për mbikëqyrje kufitare në Jasenovik

Policia e Kosovës, në këtë rast zyrtarët policorë të cilët kanë qenë…

Kryeministri kanadez akuzon Kinën për ndërhyrje “agresive” në zgjedhje

Kryeministri kanadez, Justin Trudeau, ka akuzuar Kinën për përpjekje për të ndërhyrë…

Sot takohen grupet e punës për përpilimin e ligjit të Prokurorisë Publike

Sot takohen grupet e punës për Ligjin e Prokurorisë Publike. Takimi vjen…

Afro 50 mijë rusë të strehuar në Serbi që prej fillimit të luftës

Numri i shtetasve rusë që ndodhen në Serbi vlerësohet të ketë arritur…