Nevojiten masa më restriktive për personat që janë në izolim dhe vetë izolim, vlerësojnë ekspertët e sigurisë. Kjo vjen pas rastit me 44 vjeçarin nga Shkupi i cili ishte pozitiv me Korona virus, edhe pse kishte nënshkruar deklaratë për vetë izolim pas kthimit nga jashtë, lirshëm ka shëtitur në Ohër, ku edhe ka pasur banesë.

Duhet kontrolli ndaj disa personave të caktuar të përforcohet. Në bazë të kontrolleve operative, policia duhet t’i detektojë kush janë personat e mundshëm që nuk do i respektojnë masat dhe ndaj tyre të rritet kontrolli. Duhet më shpesh të vizitohen, pastaj të ketë mbulim operativ, për të parë a dalin jashtë apo jo. Policia ka shumë më tepër masa sesa vetëm kontrollin personal’- deklaroi Stefan Buxhakoski, profesor universitarë.

Në mënyrë plotësuese, nga Instituti i shëndetit publik në Ohër, thonë se personat që kanë qenë në kontakt me shkupjanin, tani janë në izolim, ndërsa të gjithëve u janë bërë analiza për Kovid 19. Buxhakoski shton se është e domosdoshme Qeveria të miratojë dekretin për shtimin e masave të tilla, ndërsa gjykatat të veprojnë më shpejtë në shqiptimin e dënimeve për personat e padisiplinuar.

Shumë shpesh shohim se detektohen shkelje të orës policore, por mungon reagimi i shpejtë i organeve gjyqësore në shqiptimin e masave. Shqiptimi i masave do të thotë veprim parandalues-  shton Stefan Buxhakoski.

Nga Policia e Ohrit thonë se intenzivisht kontrollohen personat që janë në izolim dhe në karantinë shtetërore. Në rajonin e SPB- Ohër janë evidentuar 9 persona të ri në vetë izolim dhe ndaj tyre janë bërë 260 kontrolle.

Këto kontrolle i bëjmë në mënyrë të pavarur si polici por edhe në bashkëpunim me Institutin e shëndetit publik dhe Inspektoratin shtetëror sanitarë dhe shëndetësor. Mendoj se në këto rrethana dhe në një koordinim të këtillë, masat janë të mirëfillta dhe japin rezultate- deklaroi Stefan Dimovski, zëdhënës i SPB- Ohër.

Në situatë të përhapjes së epidemisë së Korona virusit nevojitet edhe vazhdimi i kohës së paraparë për orë policore, vlerëson Buxhakoski, sipas të cilit, kjo është e nevojshme për t’u detektuar të gjithë ata që janë të infektuar me Kovid 19.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…