Kreu i shërbimit informativ të Greqisë dhe sekretari i përgjithshëm i zyrës së kryeministrit kanë dhënë dorëheqjen, mes akuzave për përdorimin e paligjshëm të sistemit të përgjimit kundër një gazetari dhe ndaj kreut të një partie opozitare.

Zyra e Kryeministrisë së Greqisë bëri të ditur se drejtori i Shërbimit Informativ Kombëtar Panagiotis Kontoleon dhe Grigoris Dimitriadis, sekretar i përgjithshëm i zyrës së kryeministrit, dorëzuan të premten, më 5 gusht dorëheqjen e tyre, e cila u pranua.

Kontoleon dha dorëheqjen “pas veprimeve jo korrekte të konstatuara në procedurën e mbikëqyrjes ligjore”, tha zyra e kryeministrit, pa dhënë detaje se cilat procedura u ndoqën në kundërshtim me ligjin ose cilët mund të kenë qenë objektivat e këtyre përgjimeve. Sipas ligjit grek, një prokuror kërkohet të aprovojë çdo përgjim t ndërmarrë nga shërbimet informative, raporton rel.

Zyra e kryeministrit nuk dha arsye për dorëheqjen e Dimitriadis. Një zyrtar qeveritar tha se “kishte të bënte me klimën toksike që ishte krijuar rreth tij. Në asnjë rast nuk ka të bëjë me sistemin e përgjimit “Predator”), me të cilin as ai dhe as qeveria nuk janë të lidhur në asnjë mënyrë.” Zyrtari foli në kushte anonimiteti pasi arsyet e dorëheqjes nuk ishin bërë të ditura.

Javën e kaluar, kreu i partisë opozitare socialiste të Greqisë, PASOK, Nikos Androulakis, paraqiti një ankesë në gjykatën e lartë të vendit duke thënë se kishte pasur një përpjekje për të hakeruar celularin e tij me sistemin e përgjimeve “Predator”.

Androulakis, i cili është gjithashtu anëtar i Parlamentit Evropian, tha se u informua mbi këtë përpjekje nga shërbimi i sigurisë kibernetike të Parlamentit Evropian disa ditë përpara se të paraqiste ankesën e tij më 26 korrik.

“Të zbuloj se kush qëndron pas praktikave të tilla të sëmura dhe për kë po veprojnë nuk është çështje personale. Është detyra ime demokratike”, deklaroi në atëbotë Androulakis.

Në prill, gazetari financiar grek Thanasis Koukakis tha se ai ishte njoftuar nga grupi i të drejtave digjitale “Citizen Lab” se telefoni i tij kishte qenë objektivi i përgjimit nga softueri “Predator” prej korrikut deri në shtator 2021. Komiteti për Mbrojtjen e Gazetarëve kishte bërë thirrje për një ” hetim të shpejtë dhe të gjithanshëm… (për të) përcaktuar se kush e ka orkestruar atë përgjim dhe për t’i çuar ata para drejtësisë.”

Leave a Reply

Your email address will not be published. Required fields are marked *

You May Also Like

Kush burgos Mijallkovin dënohet, kush burgos shqiptarët shpërblehet

Të dyja ishin kolege në ish Prokurorinë Speciale Publike dhe të dyja…

OBSH: Kulmi i epidemisë COVID 19, javën tjetër

Zyrtarë të OBSH-së parashikojnë që Italia të arrijë javën e ardhshme kulmin…

Specialja kërkon nga Policia e Kosovës garanci për lirimin e mundshëm të përkohshëm të Gucatit e Haradinajt

Trupi gjykues II, ka urdhëruar Policinë e Kosovës që deri më 26…

Numri i të izoluarve në vend shkon në 7.266

Sipas të dhënave të fundit që ka siguruar Alsat, numri i qytetarëve…

Fotografi amerikan, Ron Haviv që dokumentoi krimet e Serbisë në Ballkan viziton Kosovën

Fotografi amerikan, Ron Haviv i cili ka dokumentuar krimet e Serbisë në…