Në seancën e fundit të Parlamentit të Serbisë, përveç Shaip Kamberit, deputetit të vetëm shqiptar që i tha në sy Aleksandar Vuçiqit se s’ka çka kërkon në Kosovë, ishte edhe një deputet serb që i ia numëroi presidentit serb të vërtetat që publiku në Serbi privohet t’i dijë.

Bëhet fjalë për Mirosllav Aleksiq, shefin e Grupit Parlamentar të NS-së (Narodna Stranka – Partia Popullore), e cila udhëhiqet nga Vuk Jeremiq, ish-ministër i Jashtëm i Serbisë.

Në fjalimin e tij para deputetëve dhe Vuçiqit, Aleksiq e ka akuzuar Milan Radoiçiqin se po i maltreton serbët e Kosovës duke iu bërë presion dhe duke i shantazhuar madje edhe kush do të merr dru për dimër e kush jo.

“Po flasim edhe për problemet e serbëve që shkaktohen nga ata që tash ulen në ballkon (duke bërë me gisht nga lozha ku qëndronin përfaqësuesit e Listës Serbe). Sot keni thënë se ata janë përfaqësues të serbëve, jo ata janë përfaqësues të Listës Serbe. Ata janë të cilët i kanë lënë qytetarët e Kosovës në mëshirën e tyre”, ka thënë Aleksiq.

Tutje ai ka thënë se serbët në Kosovë kanë mbetur në mëshirën e njerëzve të Listës Serbe në krye me Milan Radoiçiqin.

“Milan Radojiçiq është në listë të zezë të Shteteve të Bashkuara të Amerikës dhe ndaj tij ekziston edhe një flet arrest dhe ky është njeriu që sot serbët në Kosovë i kërcënon duke iu bërë presion, duke i maltretuar dhe i ndanë në ata që do të kenë punë ose jo, në ata se a do të kenë dru për dimër ose jo, a do të kenë ndihmë sociale, se do ta kenë rroba dhe kështu me radhë”, ka thënë Aleksiq.

Ky fjalim i Aleksiqit është postuar në një profil në Facebook të serbëve të Kosovës dhe aty ka marrë shumë komente përgëzuese për këtë fjalim dhe për të vërtetën e serbëve që kërcënohen nga Radoiçiq dhe bandat e tij.

Radoiçiq dyshohet se është në mbrojtje direkte të Vuçiqit, ndërsa akuzohet për lidhje të drejtpërdrejta në vrasjen e politikanit serb të Kosovës, Oliver Ivanoviq./kp/

Leave a Reply

Your email address will not be published. Required fields are marked *

You May Also Like

BE-ja do të krijojë platformë për të rindërtuar Ukrainën pas luftës

Bashkimi Evropian do të krijojë një platformë për të koordinuar rindërtimin e…

Australi raporton shifrat më të larta ditore të infektimeve me Covid-19

Shteti i Uellsit të Ri Jugor në Australi ka regjistruar numrin më…

Dhjetëra eurodeputetë kërkojnë heqjen e roamingut mes BE-së dhe vendeve të Ballkanit Perëndimor

Javën e kaluar një grup prej më shumë se 80 eurodeputetësh nga…

Një helikopter u rrëzua në veri të Bregut të Fildishtë, vriten pesë persona

Një ngjarje tragjike ka ndodhur në shtetin afrikan në Burkina Faso. Të…

Zbulohet mozaiku i figurës së Agim Ramadanit në kazermën e FSK-së në Gjilan

Në dy vjetorin e themelimit të Ushtrisë së Kosovës, është zbuluar sot…