Kryetari i Partisë Demokratike, Sali Berisha deklaroi se një nga dy vendimet e para të PD-së në qeveri, do të jetë heqja e taksës së Rrugës së Kombit.

Berisha akuzoi kryeministrin Edi Ramën se nuk njohu gjenocidin serb në Kosovë, ndërsa shtoi se “krahas njohjes së gjenocidit, do të jetë marrëveshja e parë, përveç heqjes së taksës në Rrugën e Kombit, që do të firmoset nga qeveria e ardhshme e PD-së”.

“Edi Rama në qoftë se do të kishte minimumin e respektit për qytetarët e Kosovës, vuajtjen dhe sakrificën e tyre, martirizimin e tyre në më shumë se 150 vjetët e fundit, duhet të shkonte këtë herë në Kosovë duke pasur njohur gjenocidin ciklik serb në Kosovë. Janë 1400 qenie të pafajshme që u vranë e u dogjën vetëm e vetëm se kishin prindër shqiptarë në shtëpitë e tyre.

“Në këtë aspekt, mohimi që ai i bën gjenocidit ciklik serb në Kosovë që fillon nga gjysma e dytë e shekullit të 19 dhe përfundon me operacionin “Patkoi” në vitin 1999 është një akt akuzë shumë e rëndë për karakterin dhe ndërgjegjen kombëtare”.

“T’i mohosh këto është një lloj si të shkelmosh mbi shpirtrat, gjakun e tyre, por kur këta janë shqiptarë, kjo është forma më e lartë e tradhtisë kombëtare. Ndaj dhe unë mund të kem shumë probleme tjera për të shtruar sot në marrëdhëniet mes Shqipërisë e Kosovës, por zgjodha vetëm këtë, sepse edhe marrëveshjet, unë i ndoqa recitimet e përfaqësuesve të qeverisë shqiptare, në një kohë kur shqiptarët presin një marrëveshje, dyshtetësinë, apo shtetësinë sipas dëshirës, kjo është marrëveshja që presin shqiptarët, por këtë natyrisht, krahas njohjes së gjenocidit, do të jetë marrëveshja e parë, përveç heqjes së taksës në Rrugën e Kombit, që do të firmoset nga qeveria e ardhshme e PD-së”, tha Berisha në konferencë për media.

Leave a Reply

Your email address will not be published.

You May Also Like

Ish-kryeministri i Serbisë: Vuçiqi vetë nënshkroi marrëveshjen me Kosovën për targat

Ish-kryeministri i Serbisë, Zoran Zhivkoviq ka thënë se zëvendësimi i targave “KS”…

Mbledhje e jashtëzakonshme e NATO-s, për pandeminë me Kovid-19

NATO Aleanca gjatë ditës së nesërme do të mbaj një mbledhje të…

Publikohet udhëzuesi për Drejtësi në Tranzicion, synon drejtësinë për viktimat e luftës në Kosovë

Fondi për të Drejtën Humanitare në Kosovë (FDHK) ka publikuar udhëzuesin për…

Rasti “Monstra”: Gjykata e Apelit konfirmoi vendimin e shkallës së parë

Gjykata e Apelit në seancën e hapur për rastin “Monstra” sot e…

U mbajt dialogu vjetor për politikat ekonomike: Familjet më së shumti u dëmtuan nga pandemia, të ndihmohen!

Sot, përfaqësuesit e vendeve anëtare të BE-së, Ballkani Perëndimor dhe Turqia, Komisioni…