Është përgjegjesi e tij dhe jo e Partisë Demokratike

Duke distancuar veten dhe Partinë Demokratike nga financimi rus prej 500 mijë dollarësh, në të cilin përflitet si i përfshirë Lulzim Basha, ish-Kryeministri Sali Berisha pranoi se ishte mashtruar nga paraardhësi i tij. Tha se dosjen në tavolinë ia kishte lënë ish-ambasadori amerikan Donald Lu, por në 2018-ën u shpreh se i vetmi dokument brenda saj ishte artikulli i publikuar në portalin “Mother Jones”

“Lulzim Basha, i pyetur nga unë, më deklaroi se paratë e paguara për Nick Muzin janë para të mbledhura në përputhje me rregullat në diasporën shqiptare në SHBA dhe se artikulli nuk ka asgjë të vërtetë.Midis artikullit të gazetës dhe shpjegimit të Bashës, unë kam besuar variantin e këtij të fundit.”

Dyshimet për një përfshirje të mundshme në Bashës në këtë çështje tha se i kishin lindur vetëm pas verifikimeve.

“Dyshova për Bashën kur më informuan shqiptarët e disporës dhe e kam denoncuar në foltore. Nuk kam folur për dosje ruse deri sa kam pasur informacione. Kur më erdhën njoftimet, kuptova se ky më paska mashtruar.”

I rezervuar lidhur me fatin që e pret Lulzim Bashën në Partinë Demokratike, Berisha la të kuptohet se ndaj ish-kryetarit priten edhe sanksione pas bëjes së auditit dhe publikimit në media të takimeve që Basha që sipas tij ka zhvilluarme ambasadorin Rus.

“Përgjegjësia është individuale. Paratë nuk kanë kaluar nga arka e partisë.  Basha ka marrë çdo gjë me vete, hardisqet por partia duhet ta krijojë atë dhe mbi bazën e hetimit.”

Pavarësisht inflacionit në epitetet e vëna ndaj Bashës, Berisha pranon se për çështjen e lobimit rus, ish-kryetari i Partisë Demokratike shtantazhohej nga kryeministri Rama.

“Basha, peng i Ramës i kapur kujtoi se do shpëtonte lekurën. E pata paralajmëruar se kudo të shkosh, dosjet i ke nga pas. Çështja u mbyll në Gjykatë me ndërhyrjen e Agaçit ku prokurori në kundërshtim me ligjin nuk bëri rekurs në Gjykatë.”

Berisha foli me shqetësim edhe për agresionin iranian ndaj sistemeve qeveritare dhe TIMS, teksa akuza lëshoi në adresë të qeverisë për tenderat sipas tij korruptiv të mbrojtjes ndaj këtyre sismeve.

“200 mln euro në Shqipëri kanë përfunduar në xhepat e Beqajt dhe baxhanakut dhe jo për të mbrojtur sistemet tona. Në TIMS ndërhyet vetëm po rekrutove një agjent, mos u çudit që këta që kanë marrë 200 mln të kenë bërë çdo marrëzi në sitemet tona. TIMS-i është sistem i mbyllur s’ka lidhje me E-Albania, ky është shtet kashte.”

Kryetari i Partisë Demokratike i bëri thirrje NATO-s dhe Shteteve të Bashkuara që të ndihmojnë Shqipërinë përmes specialistëve të tyre për të kapërcyer këtë agresion.

Leave a Reply

Your email address will not be published. Required fields are marked *

You May Also Like

Kurti thirrje ndërkombëtarëve: Mos i mbyllni sytë para regjimit në Serbi

Kryeministri Albin Kurti ka fajësuar Serbinë se po i përkrah grupet kriminale…

Aksident trafiku në rrugën Ferizaj-Shkup, lëndohen pesë persona

Si pasojë e këtij aksidenti janë lënduar pesë persona. Aksidenti në fjalë…

Ora policore hiqet prej nesër, kafiterit dhe restorantet hapen prej të enjtes

Qeveria mori vendim të heqë orën policore duke filluar prej nesër, më…

Borrell për bisedën që zhvilloi me Kurtin: Stabiliteti dhe siguria në Ballkan tani edhe më e rëndësishme

Përfaqësuesi i lartë i BE-së për Punë të Jashtme dhe Siguri, Josep…

KFOR-i në vend të kamionëve në Ujman

Në vend të kamionëve në Ujman tashmë janë vendosur KFOR-i. Protestuesit po…