Presidenti i Shqipërisë Bajram Begaj nesër do ta vizitojë Kosovën, së bashku me një delegacion shoqërues të presidencës.

Policia ka bërë të ditur se gjatë kësaj vizite do të kujdesen për ofrimin e sigurisë dhe mirëmbajtjen e rendit e qetësisë publike gjatë kohës së lëvizjes së eskortës dhe qëndrimit të delegacionit shtetëror në Kosovë.

“Për të mundësuar qarkullim të lirë të eskortës zyrtare nën përcjellje dhe sigurim sipas itinerarit të lëvizjes, Policia e Kosovës do të bëjë ndërprerje të përkohshme të qarkullimit të trafikut (në intervale të shkurta kohore), të disa segmenteve rrugore ku pritet të kalojë eskorta, si dhe në lokacione të caktuara ku parashihen të realizohen aktivitete zyrtare”, thuhet në njoftimin e tyre.

Në njoftimin e tyre bëhet e ditur se do të angazhohen zyrtarë policorë të njësiteve relevante.

“Njëkohësisht për të mundësuar qarkullimin dhe riorientimin e trafikut në rrugë alternative në lokacionet ku pritet të kalojë eskorta do të angazhohen zyrtarë policorë të njësiteve relevante, andaj Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik”, thuhet tutje në njoftim.

Ndërkaq, presidentja e Kosovës, Vjosa Osmani në orën 10:00 do ta presë presidentin Begaj me ceremonitë më të larta shtetërore.

Begaj do të pritet nga kryeparlamentari i Kosovës, Glauk Konjufca në orën 12:15. Presidenti shqiptar do të takohet edhe me kryeministrin e Kosovës, Albin Kurti.

Leave a Reply

Your email address will not be published.

You May Also Like

Mblidhen ministrat e jashtëm të KiE, aplikimi i Kosovës jashtë agjendës

Sekretarja e Përgjithshme e Këshillit të Evropës, Marija Pejçinoviq-Buriq, ka mbajtur fjalim…

Kuvendi sërish pa kuorum, nuk miratohen një sërë ligjesh

Kuvendi i Maqedonisë së Veriut ka shterur debatin për një sërë ligjesh,…

Ulet çmimi i dizelit

Komisioni Rregullator i Energjetikës dhe i Shërbimeve të Ujit i Republikës së…

Sulme kibernetike edhe në faqet zyrtare të Maqedonisë së Veriut

Pas Shqipërisë edhe Maqedonia e Veriut është goditur nga sulme kibernetike. Faqja…

Rusia tërhiqet nga kufiri me Ukrainën

Rusia nisi të premten tërheqjen e trupave nga kufiri lindor i Ukrainës,…