Elon Musk sot ka kompletuar blerjen e rrjetit social gjigant, Twitter.

Musk shpesh ka përmendur se Twitter duhet të jetë vend ku lejohet çdo fjalë, pa marrë parasysh pasojat që mund t’i ketë, qofshin ato edhe gjuhë e urrejtjes apo e llojit tjetër.

Megjithatë, Komisioneri për tregun e brendshëm të Bashkimit Evropian, Thierry Breton, e paralajmëroi që tani njeriun më të pasur në botë, se Twitter duhet t’i përmbahet rregullave të familjes së madhe evropiane.

Duke iu referuar cicërimës së Musk, i cili tha se “zogu është liruar”, Breton shkroi: “Në Evropë, zogu do të fluturojë sipas rregullave tona në BE”.

Ai përdori hashtagun DSA – një referencë për Aktin e Shërbimeve Digjitale, një nga dy paketat e reja të legjislacionit të BE-së të krijuara për të shtrënguar rregullimin e mediave sociale.

BE njihet për politikën e saj të ashpër ndaj kompanive gjigante teknologjike, ku shpesh ka ndodhur që kompanitë si Apple dhe Meta të jenë gjobitur me qindra miliona euro për shkeljet eventuale të rregulloreve.

Pronari i META-s, Mark Zuckerberg, më herët këtë vit u ankua se blloku i BE-së po shkakton humbje të mëdha për kompaninë, pasi nuk lejon transferimin e të dhënave të përdoruesve për në SHBA, çka i pamundëson kompanive në Shtetet e Bashkuara që të targetojnë përdoruesit evropianë për shfaqjen e reklamave.

BE po ashtu së fundmi ka hartuar ligjin që detyron kompanitë e telefonave që prej vjeshtës së vitit 2024 të kenë portin karikues USB-C, duke goditur rëndë kompaninë Apple, e cila përdorë portin e veçantë, Lightning.

Leave a Reply

Your email address will not be published. Required fields are marked *

You May Also Like

Sulmohet me armë zjarri kardinali që u dërgua nga Papa për ndihmë në Ukrainë

Kardinali Konrad Krajewski, i cili është dërguar nga Papa Françesku për të…

Pse po vazhdojnë të rriten çmimet në Amerikë

Rritja e çmimeve në Shtetet e Bashkuara të Amerikës ka vazhduar edhe…

Ushtritë e NATO-s dhe Rusisë shumë pranë njëra-tjetrës

NATO nisi zyrtarisht stërvitjen ushtarake “Baltops Naval” në Detin Baltik. Në to…

Gjykata e Apelit Shkup i anuloi seancat publike dhe debatet e caktuara për muajin e ardhshëm

Seancat publike dhe debatet para Gjykatës së Apelit Shkup, të cilat janë…

Zjarrfikësit e Shkupit kanë ndërhyrë në 8 raste gjatë ndërrimit të viteve

Njësiti Territorial i Brigadës së Zjarrfikësve të Qytetit të Shkupit gjatë mbrëmjes…