Ministrat e Jashtëm të Bashkimit Evropian miratuan të hënën një seri sanksionesh të reja kundër Bjellorusisë.

Lista përfshin 78 njerëz dhe tetë subjekte.

Në mesin e tyre janë familjarë të udhëheqësit bjellorus, Alyaksandr Lukashenka, ligjvënës, prokurorë, gjyqtarë dhe zyrtarë të tjerë, që thuhet se janë “përgjegjës për shkelje serioze të të drejtave të njeriut, për minim serioz të sundimit të ligjit, si dhe për shtypje të shoqërisë civile dhe të opozitës demokratike”.

Djali i Lukashenkës, Dzmitry, dhe gruaja e djalit të tij të madh, Liliya, janë përfshirë në listën e të sanksionuarve për, siç thuhet, “përfitim dhe mbështetje të regjimit të Lukashenkës”.

Sanksionet e reja, që përfshijnë ngrirje të aseteve dhe ndalim të vizave, vijnë pasi Bjellorusia ka devijuar me forcë një avion të kompanisë Ryanair, muajin e kaluar, për të arrestuar një gazetar që ndodhej në bordin e tij.

Bashkimi Evropian tashmë i ka ndaluar kompanitë ajrore bjelloruse të fliturojnë mbi territorin e bllokut ose t’i shfrytëzojnë aeroportet e tij.

Edhe para incidentit me avion, BE- ja ka konsideruar sanksione të reja kundër Bjellorusisë, për shkak të shtypjes brutale të opozitës nga regjimi i Lukashenkës.

Lukashenka është rizgjedhur president në një proces të kontestueshëm zgjedhor, gushtin e kaluar, dhe prej atëherë opozita ka organizuar protesta të herëpashershme.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…